Ko Hai ʻe Lava Ke Ke Falala ki Aí?​—Ko e Hā ʻa e Lau ʻa e Tohi Tapú?

Ko e kakaí ʻoku nau loto-mamahi koeʻuhi ko e faʻahinga ʻoku nau vakai ki ai ʻoku falalaʻangá ʻoku ʻikai ke nau fai ki heʻenau leá. Ko e tokolahi kuo mole ʻenau falalá mei he . . .

• kau taki fakapolitikalé ʻa ia ʻoku nau fakamuʻomuʻa ʻenau ngaahi fiemaʻú tonu ʻi he ngaahi fiemaʻu ʻa e kakaí.

• ngaahi maʻuʻanga ongoongó ʻa ia ʻoku ʻikai ke nau ʻomai ʻa e ngaahi fakamatala moʻoní mo tonu māteé.

• kau faisaienisí ʻa ia ʻoku ʻikai ke nau ngāue ki he lelei ʻa e niʻihi kehé.

• kau taki lotú ʻa ia ʻoku nau kaunga lahi ʻi hono poupouʻi ʻa e ngaahi meʻa fakapolitikalé kae ʻikai ko hono fakafofongaʻi ʻa e ʻOtuá.

ʻOku ʻi ai ʻa e totonu ki he kakaí ke nau hohaʻa fekauʻaki mo e tokotaha ke nau falala ki aí. ʻOku fakatokanga ʻa e Tohi Tapú:

• “ʻOua naʻa tuku hoʻomou falalá ʻi he kau houʻeikí pe ʻi he foha ʻo e tangatá, ʻa ia ʻoku ʻikai lava ke ne ʻomi ha fakamoʻuí.”​—Saame 146:3.

Tokotaha ʻe lava ke ke falala ki aí

 ʻOku fakahaaʻi mai ʻi he Tohi Tapú ʻa e tokotaha ʻe lava ke ke falala ki aí: ko Sīsū Kalaisi. Naʻe ʻikai ko ha tangata lelei pē ia naʻá ne moʻui ʻi he laui senituli kuo maliu atú. Naʻe fakanofo ʻe he ʻOtuá ʻa Sīsū ke ne “pule ko e Tuʻi . . . , pea ko hono Puleʻangá ʻe ʻikai hano ngataʻanga.” (Luke 1:32, 33) Ko Sīsū ʻa e Tuʻi ʻo e Puleʻanga ʻo e ʻOtuá, ko ha puleʻanga ʻoku lolotonga pule mai mei hēvani.​—Mātiu 6:10.

• Ke ako ki he ʻuhinga ʻe lava ke ke falala ai kia Sīsuú, lau ʻa e ongo kupu ko ení “Ko Hai ʻa e Tuʻi ʻo e Puleʻanga ʻo e ʻOtuá?” mo e “Ko e Hā ʻE Fakahoko ʻe he Puleʻanga ʻo e ʻOtuá?”