ʻOku Fakaʻapaʻapaʻi ʻe he Kau Fakamoʻoni ʻa Sihová ʻa e Ngaahi Lotu Kehé?

ʻOku mau muimui ki he faleʻi ʻa e Tohi Tapú ke “fakaʻapaʻapa ki he ngaahi faʻahinga kotoa pē ʻo e tangatá”—neongo pe ko e hā ʻenau tui fakalotú. (1 Pita 2:17) Ko e fakatātaá, ʻi he ngaahi fonua ʻe niʻihi ʻoku laui kilu ai ʻa e Kau Fakamoʻoni ʻa Sihová. Neongo ia, ʻoku ʻikai ke mau feinga ke fakaʻaiʻai ʻa e kau taki fakapolitikalé pe kau faʻu laó ki hano fakangatangata pe tapui ʻa e ngāue ʻa e ngaahi lotu kehé. Pe ʻoku mau kemipeini ke tali ʻa e ngaahi lao te ne poupouʻi ʻemau tōʻonga mo e ngaahi tui fakalotú ki he kakaí fakalūkufua. Ka, ʻoku mau ʻoatu ki he niʻihi kehé ʻa e fakaʻapaʻapa tatau ʻoku mau houngaʻia ʻi hono maʻu meiate kinautolú.—Mātiu 7:12.