Ko e Hā ʻOku Ui Ai ʻe he Kau Fakamoʻoni ʻa Sihová Honau Feituʻu Faiʻanga Fakatahá ko e “Fale Fakatahaʻangá”?

Ko e kupuʻi lea ko ení ʻoku feʻungamālie ia ʻi he ngaahi ʻuhinga ko ení:

• Ko e falé ko ha feituʻu faiʻanga fakataha.

• ʻOku mau fakatahataha ke lotu kia Sihova, ko e ʻOtua ʻo e Tohi Tapú pea ke fakamoʻoni fekauʻaki mo ia.​—Saame 83:18; ʻAisea 43:12.

• ʻOku mau toe fakatahataha ke ako fekauʻaki mo e Puleʻanga ʻo e ʻOtuá ʻa ia naʻe faʻa talanoa ki ai ʻa Sīsuú.​—Mātiu 6:9, 10; 24:14; Luke 4:43.

ʻOku talitali lelei koe ke ʻaʻahi ki ha Fale Fakatahaʻanga ofi kiate koé pea siotonu ʻi he founga ʻoku fakahoko ai ʻe he Kau Fakamoʻoni ʻa Sihová ʻenau ngaahi fakatahá.