Fakamāʻalaʻala ʻa Hono ʻAonga Moʻoní

Palōveepi 3:21

MEʻA KE FAÍ: Tokoniʻi ʻa hoʻo kau fanongó ke nau mahinoʻi ʻa e anga ʻo e kaunga ʻa hoʻo kaveingá ki heʻenau moʻuí, pea fakahaaʻi kiate kinautolu ʻa e meʻa ke fai ʻaki ʻa e meʻa ʻoku nau akó.

FOUNGA KE FAI AI IÁ:

• Fakakaukau fekauʻaki mo hoʻo kau fanongó. Fakalaulauloto ki he ʻuhinga ʻoku fiemaʻu ai ki hoʻo kau fanongó ke nau fanongo ki he fakamatala ʻokú ke ʻoatú, pea fakakaukau ki he tafaʻaki ʻo e kaveingá ʻe tautefito ʻene tokoni kiate kinautolú.

• ʻI he kotoa hoʻo malangá, fakahaaʻi ki hoʻo kau fanongó ʻa e meʻa ke faí. Mei he kamataʻangá pē, ʻoku totonu ke ongoʻi ʻe he tokotaha fanongo taki taha, ‘ʻOku kaunga eni kiate au.’ ʻI hoʻo fakatupulekina ʻa e poini tefito taki taha, fakahaaʻi ʻa e founga ke ngāueʻaki ai iá. Fakaʻehiʻehi mei he lea fakalūkufuá.