Sīpinga Tuʻuaki

Ongoongo ʻo e Puleʻangá Fika 38

“ʻOku ou kau ʻi ha feinga ngāue fakamāmani lahi ke tufaki ʻa e pōpoaki mahuʻinga ko ení. Ko hoʻo tatau ena.”

Fakatokangaʻi: Koeʻuhi ke ʻosiki ʻa e feituʻu ngāué, tauhi ke nounou hoʻo tuʻuakí. Kae kehe, ʻi he tuʻunga ʻe niʻihi ko e tokotaha-ʻapí ʻoku hā mei ai ha mahuʻingaʻia moʻoni pea loto nai ki ha fetalanoaʻaki. Kapau ko ia, ʻe lava ke ke ʻeke ange fekauʻaki mo ʻene fakakaukau ki he fehuʻi ʻoku ʻasi ʻi he takafi ki muʻá, lau kiate ia ʻa e tali Fakatohitapu ʻoku hā ʻi lotó, pea lāulea ki ha konga ʻo e meʻa ʻi loto ʻi he tulekí ʻo fakatatau ki he taimí. Ki muʻa ke ke mavahé, fakahaaʻi kiate ia ʻa e fehuʻi “Ke Fakakaukau ki Ai” ʻi he takafi ki muí pea fokotuʻutuʻu ke toe foki pea lāulea ki ai.

Ko e Taua Leʻo Nōvema-Tīsema

“ʻOku mau ʻaʻahi nounou mai ke fakalototoʻaʻi ʻa hono lau ʻa e Tohi Tapú. ʻOku mau ʻiloʻi ko e tokolahi taha ʻo e kakaí ʻoku ʻi ai ʻenau mahuʻingaʻia ʻi he Tohi Tapú; ʻoku ʻikai ke pehē ʻa e niʻihi ia. Kae fēfē koe? [Tuku ke ne tali.] ʻOku ʻomai ʻe he Tohi Tapú ʻa e fakamatala mālohi ko ení. [Lau ʻa e 1 Tesalonaika 2:13.] ʻOku ou tuipau te ke loto-tatau ki ai koeʻuhi ko e Tohi Tapú ko ha tohi ia mei he ʻOtuá, ʻoku taau leva hono laú. ʻOku fakamatala nounou ʻa e makasini ko ení ko e hā ʻoku fekauʻaki mo e Tohi Tapú mo e ʻuhinga ʻoku totonu ai ke mahuʻinga kiate kitautolu.”