Sīpinga Tuʻuaki

Ke Kamata ha Ako Tohi Tapu ʻi he ʻUluaki Tokonakí ʻi Nōvema

“ʻOku mau ʻaʻahi nounou mai ke talanoa mo e ngaahi kaungāʻapí ʻo fekauʻaki mo e founga-pule leleí. ʻOkú ke fakakaukau ʻoku malava nai ʻe ha founga-pule ke ne toʻo ʻosi atu ʻa e ngaahi palopalema faingataʻá, hangē ko e fakamālohí mo e fakamaau taʻetotonú?” Tuku ke ne tali. Fakamanatu ki he tokotaha-ʻapí ʻa e Lotu ʻa e ʻEikí, ʻa ia naʻe akoʻi ai ʻe Sīsū ki hono kau muimuí ke nau lotu ke hoko mai ʻa e founga-pule ko iá, ʻa e Puleʻanga ʻo e ʻOtuá. Fakahaaʻi ange ʻa e peesi fakamuimui ʻo e Taua Leʻo ʻo Nōvema-Tīsema, pea lāulea fakataha ki he fakamatala ʻi lalo ʻi he ʻuluaki fehuʻí mo ha taha ʻi he konga Tohi Tapu ʻoku haá. Tuʻuaki ʻa e makasiní, pea fokotuʻutuʻu ke toe foki ʻo lāulea ki he fehuʻi hono hokó.

Ko e Taua Leʻo Nōvema-Tīsema

“ʻOku mau talanoa nounou mo e ngaahi kaungāʻapí ʻo fekauʻaki mo e ngaahi lea anga-maheni ʻi he lotu ko ia naʻe akoʻi ʻe Sīsū ki hono kau muimuí. [Lau ʻa e Mātiu 6:9, 10.] Kuó ke fanongo nai ʻi hano fakamatalaʻi totonu pe ko e hā ʻa e Puleʻanga ʻo e ʻOtuá pea mo e ʻuhinga naʻe fakamamafaʻi lahi ai ʻe Sīsū ʻi heʻene faiakó? [Tuku ke ne tali.] ʻOku fakahaaʻi ʻi he makasini ko ení ʻa e meʻa ʻoku leaʻaki ʻe he Tohi Tapú ʻo fekauʻaki mo e Puleʻanga ʻo e ʻOtuá, pehē foki ki he niʻihi ʻo e ngaahi ʻaonga fakaofo te ne ʻomai ki he māmaní.”