Te Tau Ako ʻa e Tohi Fāmili Fiefiá

Te mou fiefia ke ʻiloʻi kamata ʻi he uike ʻo ʻOkatopa 5, 2015, te tau ako ai ʻi he tohi Ko e Fakapulipuli ʻo e Fāmili Fiefiá ʻi he Ako Tohi Tapu ʻa e Fakatahaʻangá. ʻOku ʻikai ke loto ha taha ke tō mei he tataki Fakatohitapu ʻaonga ko eni ki he moʻui fakafāmili fiefiá. Ko e taimi-tēpile ʻo e akó ʻe lava ai ke sivisiviʻi fakaʻauliliki ʻa e palakalafi taki taha mo e veesi Tohi Tapu ʻi he tohí.

Ko e lahi taha ʻo e ngaahi vahé ʻe vahevahe ia ki he konga ʻe tolu pe fā, ko ia ai, ʻe ʻi ai ʻa e taimi feʻunga ke lau mo lāulea ai ki he ngaahi konga Tohi Tapu ʻoku haá pehē foki ke sivisiviʻi fakalelei ʻa e anga hono ngāueʻaki ʻa e ngaahi konga Tohi Tapu ʻoku hā ʻi he palakalafi taki taha.

Ko e tafaʻaki mahuʻinga ʻo e akó ko ha fetalanoaʻaki ʻe fai ʻi he fakamatala ʻi he puha fehuʻi ʻi he ngataʻanga ʻo e vahe taki taha. Ko ia ai, ʻoku totonu ke vaheʻi ha taimi feʻunga ke lāulea ai ki he ngaahi fehuʻi mo e konga Tohi Tapu ʻoku ʻi he puhá.

ʻOku fiemaʻu ki he kau faiako Ako Tohi Tapu ʻa e Fakatahaʻangá ke nau fai ha tokanga makehe ki heʻenau teuteu ki he akó pea fakalototoʻaʻi ʻa e tokotaha kotoa, kau ai ʻa e faʻahinga foʻoú, ke teuteu lelei, maʻu maʻu pē ʻa e akó, pea kau ki ai.