So Torre ye Babel

Lcopague so auot ltaʼaraic soua llalqaʼ so Noé huoʼo taqaʼen som qalota llalaqpi. So mayepi nquiqtauec ra qalota nache nʼñotec taỹa ca ỹottaʼaʼt ʼalhua ra lmaʼ. Ñi Jehová ỹamaxalec ra ỹoʼot seʼeso.

Qalaxaye huoʼo so nhuolecpi saishet ra ỹalaxaguet ñi Jehová. So mayepi ʼenapec: «Qonactaina ñoʼoxonaxasheguem na ciudad taq aca torre iviroʼot ñaqaʼenaq na piguem. Yaqtoʼ qomi ỹoʼoxoraʼq».

Ñi Jehová sa lauela so ỹoʼotaq so mayepi, ỹoqoʼoye viʼiguet so lʼonatacpi. ¿ʼEetec ra ỹoʼot reʼera? Nache ỹauotaʼa ra so mayepi remalligui na ỹottaʼaʼt lʼaqtacpi. Na shiỹaxauapi ỹaxana seʼeso ciudad Babel ra naigui «confunsión». Chaʼaye ñi ʼoonolec saishet ra huaxaiguet ra lʼaqtac ca lỹa, nache reʼera ỹoʼot ra ỹaxanguet so noxotiguisheguem. Nache lagaʼt so mayepi jec taỹa na ỹottaʼaʼt ana ʼalhua. Qalaxaye nache queʼeta ra ỹoʼotaq na qauem cam netague. ¿Auamaqten petaʼa ra huoʼo ca ñaq ỹauotec ñi Jehová? Reʼera semetenaq ca lỹa paxaguenaxac.