So Gedeón loxonec so madianitapi

Lcopague so qalota viʼi, so israelitapi ỹoltaxa ỹalat ñi Jehová taq ỹioʼoxoren na diospi saq ʼeesa. Queuogui soua siete viʼiye so shiỹaxauapi lmaʼ ye Madián iqachiaʼa na lalo animalpi taq nlaxajñe na languishecpi so israelitapi. So israelitapi nqalloxotoigui so auaxacpi taq aso qasoxonaxa yaqtoʼ saishet ra huoʼo qaỹoʼotec so mayepi. Ỹoqoʼoye so mayepi iỹaxanot ñi Jehová ra ncaʼalaxateguesop. Nache ñi Jehová ỹamaq so ángel yaqtoʼ iaʼaqtaxanem so nsoqolec lʼenaxat Gedeón: «Ñi Jehová ʼam lqagui yaqtoʼ ʼam añaxaic taq qaramchigui ye arhuel». So Gedeón inat: «¿Cam ʼeetec ra ñeqalaxateguesop ye Israel ye saishet ra aỹem ʼamaqtaqaic?».

So Gedeón huotaique yoqtaʼ ỹaỹaten ra ñi Jehová lqateuaʼa so maye. ¿Négueʼt so ỹoʼot? Ỹachaña na ʼalhua so qagueta laue nache ʼenapega ñi Jehová: «Qaq qoyoxoñi nteʼetom ra ana ʼaỹa ỹapapiaỹaxatta neʼena qalaxaye na ʼalhua reqaqta nache saỹateeta ra aỹem alqateua ra ñeqalaxateguesop ye Israel». Nache so lỹa naʼaq, ipacchigui reʼera lʼaqtac. Nache so Gedeón ỹoltaxa iỹaxanot ñi Jehová qoyoxoñi nteʼetom so qagueta laue reqaqta qalaxaye ana ʼalhua ỹapapiaỹaxatta ana ʼaỹa. So ỹaxanaique so Gedeón ỹoltaxa ipacchigui, nache so maye nagui yoqtaʼ ỹaỹaten ra ñi Jehová lqateuaʼa so maye. Nache laỹonat so nalleppi ra yaqtoʼ nhuaxane so madianitapi.

Ñi Jehová ʼenapega so Gedeón: «Setauan na israelitapi ra rauegaxan. Qaq ỹaguec nam annaitegue nalleppi ỹoqoʼoye so mayepi petaʼa ishet ra lcuennataxac ra ndotrec rauegaxan. Ỹoqoʼoye qonapega ra huoʼo ca ñeʼetac nache iguelaxa ye lmaʼ». Nache 22.000 so ỹalleppi iguelac taq 10.000 so noʼonañepi. Nache ñi Jehová ʼenapec: «Ñaq ʼeetalec ra qalota. Auauega ye tala nache qonapega ra nỹom netaxat. Taq anonaʼaguet ca ñaq ñomtac nache ỹalletiguiñe ra yaqtoʼ ca mpaxaguenaxauapi saishet ra huoʼo ca ỹoʼotec». Nache ndotec soua 300 nalleppi ỹoʼot reʼera. Ñi Jehová ỹachaxanapeguem ra so saq ʼamaqtac nalleppi loxonec ca 135.000 nalleppi madianitapi.

Seʼeso pe, ñi Jehová ʼenapega so Gedeón: «Nagui laloqoʼ ra qoroxoñiqui na madianitapi». So Gedeón ỹanem so nalleppi na lasherepi lcouepi taq nacoʼoñapi nache ỹachaigui aso nqoỹaraxanaqtepi ʼettaigui, nache ʼenapega so mayepi: «Ten aỹem qauamaichigui taq qanaileguete aỹem». So Gedeón ỹashiiyigui aso lashere lcoue ilaxachigui aso lacoʼoña nauguisheguem aso lqoỹaraxanaqte taq nalaxañe: «¡Souaqtaʼaguet ñi Jehová taq ra Gedeón!». So 300 nalleppi taqaʼen ỹoʼot reʼera. So madianitapi ỹataqta ltaraʼaic ra l-lỹaxa taq ratauec qamachaqca ca rataigue. So mayepi saq ỹaỹaten ca ʼeetec, nache maiche deloxoỹat. Nache ỹoltaxa ñi Jehová itauan so israelitapi ra loxonec so mpaxaguenaxauapi.