So David taq Goliat

Ñi Jehová ʼenapega so Samuel: «Qojec ʼanqoʼona ye lmaʼ ca Jesé. Ca ʼoonolec ca llalacpi nacheca ca ralaxaic ntaʼa ye Israel». Nache so Samuel nqoʼona yeʼeye, ca so ilaʼa so llalec ỹe so Jesé nache lcuennataxac: «Yoqtaʼ ra nachena na ncaʼaguishec». Qalaxaye ñi Jehová ʼenapega so Samuel ra saishet ra nacheso so maye, raʼaqtaxanem: «Aỹem saishet ra salletagui na lataxac ca shiỹaxaua, ndotec salletagui ra lquiyaqteỹaxac».

So Jesé ỹachaxana so Samuel soua lỹa seis llalqaʼ. Qalaxaye so Samuel ʼenapec: «Ñi Jehová qaica ca lcaʼaguishec». ¿Huoʼo ca laỹipi ayaʼalacpi? So Jesé ỹasateguet: «Saxanaxa ca nasa lʼenaxat David ca maye ilotegue na qaguetapi». Coʼollaq so David nvireuo, ñi Jehová ʼenapega so Samuel: «¡ʼEna na icaguishec!». Nache so Samuel icorelec na aceite na lqaic so David. Nache ungió so maye yaqtoʼ ralaxaic ntaʼa ye Israel.

Lcopague so israelitapi taq filisteopi huotaique reloxoỹat, so filisteopi huoʼo so alaataxaic ỹataqta logoraic qaica ca iviʼi ye lalogaxa lʼenaxat Goliat. ʼEnauac na naʼaxaʼte so maye isheuetalec so israelitapi taq ỹalactalec: «Qalcaʼaiuaʼa ca ʼoonolec ỹale yaqtoʼ aỹem relogui. Ra aỹem ỹalauat nache qomiʼ nʼesclavopi. Ra aỹem salauat ca maye, qaq nache qamiʼ esclavopi».

So David taỹa so lanataqa so nalleppi yaqtoʼ irougalo so lqaỹañecpi ca nallec. Huaña yeʼeye nache huaʼachigui so Goliat taq nasaxauec: «¡Aỹem, ʼam selogui!». So ntaʼa Saúl ỹasateguet: «ʼAm ñaq ʼam nsoqolec». So David ʼenapec: «Ñi Jehová aỹem itauan».

Nache so Saúl ỹalaxanem soua maiche logoxot nalaataxaqui, qalaxaye so David ʼenapec: «Aỹem sa sishet ra saatrañi neʼenaua». Nache so David ỹacona so honda, neʼena qaỹogoxona ra qairaʼa na coma ra qaipoquen. Nache taxama so laʼauaxac ra ỹaconalo soua cinco coma nache ỹoxochiguilo so loxoiqui. Nache nqaloxoctaʼa so Goliat. So logoraic Goliat ʼenapec: «¡Ña ʼauanaicnaʼa ʼam nsoqolec nache ʼam salauat! Sami ra chec na arapat na maỹopi piguem lʼecpi taq na animalpi». So David saq ñiʼi nache ỹasateguet: «ʼAm auanac ra aỹem aurolec na ainec taq araxanaqte, qalaxaye aỹem ʼam serolec ra lʼenaxat ñi Jehová. Saishet ra nache qomiʼ aulogui, ʼam aulogui ñi Dios. ʼEnauac neʼena maye huetaʼa ỹaỹaten ra ñi Jehová ỹataqta ltaʼaraic ra lañaxac napacalec na ainec taq araxanaqte. Ñi maye qomiʼ ỹanema ra qamiʼ qoroxonqa».

Lcopague, so David ỹachaigui so coma aso honda taq naxannec ra ỹasaxa. Ñi Jehová itauan so maye, nache aso coma taalec na latap so Goliat. So logoraic huañi taq ileu. Nache so filisteopi ratauec yaqtoʼ saishet ra qaỹalauat taqaʼen. Ñaq ʼam, ¿ʼapiʼiỹaʼa ñi Jehová ʼenaʼam so David?