So Jonatán noʼon auochaxaua taq añaxaic

So llalec ỹe so ntaʼa Saúl, lʼenaxat Jonatán, so maye añaxaic taq qaramchigui ye lhuel. So David iaʼaxat ra so Jonatán qayaqaic napaqalec na águila taq napaqalec ra lañaxac ca quiyoc. Huoʼo so naʼaq so Jonatán ỹalletaʼa so qaỹoqotcheguemec ra huoʼo so alleppi filisteopi. Nache ʼenapega so ltauaʼ maye ỹachetac so loʼogoxonactepi: «Ndotec seloxogui ra qomiʼ ỹachaxana ca soʼotaq ñi Jehová. Ra filisteopi ra qomiʼ ʼenapega ra saxasheguemec nache saỹatenac iuen ra seloxogui chaʼaye qomiʼ itauan ñi Jehová». Nache so filisteopi ỹaʼalaqtaña soua maye: «¡Ña qananaisheguema na souaqtaʼa!». Soua dos ỹaleʼt quisheguemec nache ỹalauat so 20 ỹalleppi.

So Jonatán nacheso som ỹe llalec so Saúl nache iuen taxa ra ntaʼa qom ileu so ltaʼa. Qalaxaye so Jonatán ỹaỹaten ra ñi Jehová lcaʼaua so David yaqtoʼ ralaxaic ntaʼa ye Israel taq ỹaỹamaxareta reʼera. So Jonatán taq David ỹataqta noʼon auochaxauʼ. Soua maye ỹan ra lʼaqtac ra maiche ntelʼlaʼat. Ra yaqtoʼ ỹachaxan reʼera nache so Jonatán ỹanem so David so maiche lalamaxat túnica, so lainec, so lchecnec taq so nsaataxaqui.

Coʼollaq so David ratauguesop so Saúl, nache so Jonatán taỹa so maye taq ʼenapec: «Iuen ra anañaxat chaʼaye ñi Jehová ʼam lcaʼagui yaqtoʼ ʼam ntaʼa. Ñi itaʼa taqaʼen ỹaỹaten». ¿Aravela ra huoʼo ca anauochaxaua ỹataqta soxoraic ʼenaʼam so Jonatán?

So Jonatán ỹaỹaten ra ishet ra ileu souaxat ra itauan so nauochaxaua. So maye ỹaỹaten ra so ltaʼa Saúl huotaique ỹalauat so David, ỹoqoʼoye ʼenapega: «Ra aualauat so David nache ltaraic ca arasouaxashet. So maye qaica ca ỹoʼot qauem». So Saúl ỹataqta ralemataỹa so Jonatán. Lcopague soua viʼiyel, so Saúl taq Jonatán ʼenauaque ileu huaña so loquiaxac.

Lcopague coʼollaq ileu so Jonatán nache so David ilaique so Mefibóset, maye llalec so Jonatán. Qaq coʼollaq ilalec nache ʼenapec: «ʼAm seloʼogue ʼenauac ra anachaalataxac chaʼaye so artaʼa ỹataqta ñauochaxaua coʼollaxa. Qonetaña ye imaʼ taq ʼam iquiaxaua». So David huanna ra icouai so nauochaxaua Jonatán.