Chigoqchiguiña laỹi 7

Neʼena laỹi iaʼaxat so ntaʼa Saúl taq ntaʼa David, queuoigui soua 80 viʼiyel. Huaʼauñe, so Saúl huesota taq ỹalaxaguet ñi Dios. Qalaxaye lcopague naralaxat ra lataxac nache ỹalat ñi Jehová. Qaq ñi Jehová taqaʼen saq nashenguet so maye taq ỹamaxalec so Samuel ra lcaʼagui so David ra ralaxaic ntaʼa ye Israel. So Saúl huotaique ỹalauat so David chaʼaye nquia so maye. Naicʼtaxa reʼera saishet ra iguelaxateguet. So Jonatán, llalec so Saúl, ỹaỹaten ra ñi Dios lcaʼagui so David ỹoqoʼoye nauochaxaua so maye. Naicʼtaxa so David huoʼo so lasouaxashet ỹataqta qauem, saxaỹet nasheʼeteguet ra nlaxanec ñi Jehová. Ra ʼam huoʼo ca aỹalacpi, nache atauan ra ỹaỹateeteguet ra ỹataqta ʼamaqtaqaic ra salaxasoxoguet ñi Dios.