Jehová saishet ra icouai so José

So José ñaq netaigui añi nqoñetaxanaxaqui nache so ntaʼa faraón ye Egipto huoʼo so lchoxonaxacpi qaica ca ishet ra ỹaỹateeteguet. Nache so lamaxashec faraón nasaxauec ra so José ishet ra raqtaxanem ca naigui. So faraón ramaxasoxolec ra qandoua so maye.

Nache so faraón inat ʼeeta: «¿Ishet ra aỹem auaqtaxanem ca naigui na ichoxonaxacpi?». So José ỹasateguet ʼeeta: «Na Egipto huoʼo na qalota nallecpi iviʼi caua siete viʼiye qaq ra ime anac caua siete viʼiye ra huoʼo na nqouaxa. Iuen ra alqagui ca ỹale ỹajnaxanaxaic ra yaqtoʼ ilogue na nallecpi yaqtoʼ saishet ra ilem na lqouaxa na shiỹaxauapi». Nache so faraón ʼenapec: «¡ʼAm iqagui! ʼAm nache segundo lỹa shiỹaxaua ʼamaqtaqaic ʼenauac na Egipto». Qalaxaye, ¿táʼaencoʼ so José ỹaỹaten ra naigui so lchoxonaxacpi so faraón? Chaʼaye ñi Jehová itauan so maye.

So José laỹonat na nallecpi queuogui so siete viʼiye. Lcopague huoʼo na qalota nqouaxa ʼenauac ana ʼalhua, ipacchigui so lʼaqtac so maye. Ỹoqoʼoye ʼenauac na shiỹaxauapi na paiguelo taỹa so maye ra ishenaxana na nallec. So ltaʼa Jacob, laxaỹaxac ra ye Egipto huoʼo na nallec, nache ỹamaq soua 10 llalacpi ra yaqtoʼ taqaʼen ishenaxana.

Soua llalacpi so Jacob taỹa ye netaña so José, so maye ỹauatton soua lqaỹat. Qalaxaye soua maye saishet ra ỹauatton. Soua mayepi ỹaaldot na l-llectel so José ʼenaʼam so lchoxonaxac so ñaq nsoqolec. So José huotaique ỹaỹaten ra ñaq qanquia so maye nache ʼenapec: «Qamiʼ chochaq qanmeenaxañiỹa neʼena ʼalhua ra chaq huaʼague cam saishet ra qanpaxattalec». Soua maye ỹasateguet: «¡Saishet ra ñanaxac ra soʼotac reʼera! Qomiʼ qarma ye Canaán. Qomiʼ 12 nqaỹat, qalaxaye ʼoonolec so mashe ileu, qaq so nasa nonaguet so qartaʼa». So José ʼenapec: «Qanaviqui ca qarqaỹai nasa nache qamiʼ samaqten». Nache iguelaxa ye lmaʼ so ltaʼa.

So lauolecpi so Jacob ltaxa imeuo so aloq nallec nache ltaxa ỹamaq so llalacpi ye Egipto. Nache taqaʼen qaỹahuec so lqaỹa nasa, Benjamín. So José huotaique ỹaỹaten ra nanomaxa so mayepi. Ỹoqoʼoye so José ỹachangui aso ñeỹomaxaqui maye chegaqaigui na plata aso lachoxonaxaqui so Benjamín nache nmaxalec ra iqachiỹa. So lamaxashecpi so José ilalec so ñeỹomaxaqui netangui aso lachoxonaxaqui nache so lqaỹañecpi ỹaʼalateguec. Nachoxoretecot so José ra ỹahuoʼo ca nuanaxaguec so mayepi saishet so lqaỹa Benjamín.

ʼEnauac reʼera nache so José ilaʼa ra so lqaỹañecpi naralaxat ra lataxac. So José sanaloʼoguet nache nguin taq ʼenapec: «Aỹem qarqaỹai José. ¿Ñaq ncaʼaltauec petaʼa ca itaʼa?». Qaq soua lqaỹañecpi ỹataqta iaʼalac. So José ʼenapec: «Saishet ra huoʼo ca itoxoñe souaxat so qauʼochi. Aỹem namaxa ñi Dios neʼena yaqtoʼ qamiʼ ncaʼalaxateguesop. ¡Qaqaquitac! Qauguiñiaʼa ca itaʼa nache qanaviqui».

Soua lqaỹañecpi so José iguelaxa ye lmaʼ ra ỹaqtaxanem ra noʼon naxaỹaxac so ltaʼa taq ỹauega ye Egipto. Lcopague so qalota viʼiyel so José taq so ltaʼa ỹoltaxa nauanat.