Chigoqchiguiña laỹi 5

Lcopague soua dos qagoxoic ra taregue lego so auaxai Rojo, so israelitapi iviraʼa so qasoxonaxa Sinaí. Huaña yeʼeye ñi Jehová naỹamaxate so israelitapi yaqtoʼ lalamaxat ʼamaqtaqaic. Ñi maye npaxajlec taq ỹanem ʼenauac na iuenaique: aso maná yaqtoʼ chec, so logoxot saishet ra toxoshec taq ca netaña qaica ca machaqca. Ra ʼam huoʼo ca ayalacpi, nache atauan ra ỹaỹateeteguet táʼaencoʼ ñi Jehová ỹanem so israelitapi so lamaxasoxonaxac, aso npeʼl ñi Dios taq so ntaxaỹaxanecpi. Auachaxana ra ỹataqta ʼamaqtaqaic ra ipacchigui na qaraqtac taq ra saxaỹet qonaqtaguet ñi maye taq qomiʼ huesota.