Chigoqchiguiña laỹi 6

So israelitapi mashe iviraʼa ye ʼAlhua Qaỹachaxapeguem taq aso npeʼl nache ndotec ʼoonole ra nỹoʼoxonnataxanaxac ʼeesa. So ntaxaỹaxanecpi ỹapaxagueteguec na lamaxasoxonaxac ñi Dios, taq so nmit na nasouaxashetpi ilotalec so pueblo. Neʼena laỹe ỹachaxan na lcaʼagui taq na ỹoʼotpi ca shiỹaxaua ishet ra itauan qoʼ iquelaxat na laỹipi. Ca ʼoonolec israelita qaipataxalec ilogue na lataxac. Auachaxana ʼeetec aso Débora, Noemí, so Josué, aso Ana, aso llale so Jefté taq so Samuel itauan so maiche lauolecpi. Taqaʼen auachaxana so laỹipi saishet ra israelita, ʼenaʼam aso Rahab, Rut, Jael taq so gabaonitapi, lcaʼaua ra ỹalectaigui so israelitapi chaʼaye ỹaỹaten ra ñi Jehová itauan so mayepi.