Chigoqchiguiña laỹi 8

Ñi Jehová ỹanem achiquiaxac so Salomón ra qalota na laỹajnec taq ỹamaxalec ra noxosheguem aso templo. Qalaq so maye ỹalat ñi Dios. Ra ʼam huoʼo ca ayalacpi, nache atauan ra ỹaỹaten ra so shiỹaxauapi maye ỹioʼoxoretac na diospi saq ʼeesa ỹoʼot ra so Salomón ỹalat ñi Jehová. So nʼonataxanaxac qaiqolaxarache, huoʼo so ntaʼalpi qauem, ỹoʼot ra so shiỹaxauapi taqaʼen ỹalat taq mpaguene ñi Dios. Seʼeso naʼaxaʼte qalota so nʼaqtaxanaxanecpi ñi Jehová qaicanapec taq qaỹalauat. So nʼonataxanaxac netaña ra sheuʼ nquiguec ra qanpaguene ñi Dios souaxat aso nateʼe Jezabel. Seʼeso naʼaxaʼte ye Israel ỹataqta qalaqaic. Naicʼtaxa reʼera huoʼo so qalota israelitapi ñaq ỹioʼoxoretac ñi Jehová, ʼenaʼam so ntaʼa Jehosafat taq so nʼaqtaxanaxanec Elías.