Ñi Dios ỹoʼot so huaʼauñe ỹale taq aso ʼalo

Ñi Jehová ỹaqataxanai aso ʼalhua lʼenaxat Edén nache ỹoʼot ra nanaxanqaʼ yeʼeye. Reʼera nanaxanqaʼ huoʼo qalota nauoxopi, ʼepaqpi taq animalpi. Lcopague ñi Dios ỹoʼot so huaʼauñe ỹale lʼenaxat Adán. Ñi maye ỹachegoxotaigui ana ʼalhua taq iquichichiguilo naua nmic lauaco. ¿ʼAm auaỹaten négueʼt ca huaigui? ¡Nache so ỹale huoʼo ra lcaʼalaxa! Ñi Jehová ʼenapega so Adán ra ilogue so nanaxanqaʼ taq ỹoʼot ra lʼenaxat ʼenauac na animalpi.

Ñi Jehová ỹanem so Adán so lamaxasoxonaxac ỹataqta ʼamaqtaqaic. ʼEra ra lʼaqtac: «Ishet ra qollec ca machaqca aca frutapi. Nachaqrata aca ʼoonole ỹataqta ʼamaqtaqaic saishet ra qollec. Ra qollec nache aleu».

Lcopague ñi Jehová ʼenapec: «Aỹem soʼot qome ca ltaua so Adán». Nache ñi maye ỹasaxalec ltaʼaraic loʼochaxa so Adán taq nqateuaʼa so ʼoonolec lchishet ra yaqtoʼ ỹoʼot aso ʼalo ra lhua. Aso maye lʼenaxat Eva. So Adán taq aso Eva soua huaʼauchiguiñe nhuolec. ¿ʼEetec ca nanomaxa so Adán ra ilaʼa aso lhua? So maye ỹataqta machiguiñi nache ʼenapec: «¡Ten ra lʼonatac ñi Jehová ỹachogoxotaigui na ichishet! ¡Ma ʼonaxai! ¡Ara maye ʼenaʼam Aỹem!

Ñi Jehová ỹamaxalec so Adán taq aso Eva ra qalota ca llalacpi taq nlaxatejlec ana ʼalhua. Ni Jehová huotaique ra soua maye ỹataqta machiguiñe taq queta ra ỹoʼot ʼenauac ana ʼalhua ra nanaxanqaʼ. Ỹataqta ỹoxorac ʼenaʼam so nanaxanqaʼ ye Edén. Qalaxaye saishet ra ipacchigui. ¿Táʼaencoʼ ra saishet? Reʼera semetenaq ca lỹa paxaguenaxat.