Kumbi Tingachita Wuli Kuti Tikondwesi Chiuta?

Mungachitangaku cha vinthu viheni. 1 Akorinto 6:9, 10

Asani titanja Yehova, tichitengi cha vinthu vo iyu watinkhana navu.

Yehova wakhumba cha kuti tibengi, timwengi moŵa mpaka kuloŵe pamwenga kumwa munkhwala wakutimbanyizga wongu.

Chiuta watinkhana ndi ŵanthu wo abaya anyawu, wo atuzga nthumbu ndipuso kugonana kwa anthulumi pamwenga anthukazi ŵijaŵija. Iyu wakhumba cha ŵanthu askoli pamwenga kuchita ndewu ndi anyidu.

Titenere cha kusopa angoza pamwenga kuchita vinthu va mizimu.

Mucharu chapasi cha Paradayisu cho chituza, mwazamuŵavi ŵanthu akuchita vinthu viheni.

Tiŵachitiyengi vinthu vamampha anyidu. Mateyu 7:12

Kuti Chiuta watiyanjengi, titenere kuyesesa kuja nge iyu.

Tingalongo kuti titanja anyidu asani titiŵachitiya lisungu ndipuso asani titiŵapaska vo asoŵa.

Tichitengi vinthu mwauneneska.

Tikambiyengeku anyidu vakukwaskana ndi Yehova ndipuso nthowa zaki.—Yesaya 43:10.

Tijengi alisungu ndipuso akugowoke.