Mazu Ngakwamba nga Chigaŵa 14

Akhristu akwambiriya angupharazga uthenga wamampha wa Ufumu mpaka kuvigaŵa vakutali va pacharu chapasi. Yesu waŵakambiyanga kwakuti akapharazgengi ndipuso waŵawovyanga kuti asambizengi mu vineneru vawu mwakuziziswa. Yehova wanguŵawovya kuti aŵevi mantha ndipuso wanguŵapaska nthazi kuti akunthiyengepu asani atombozgeka.

Yesu wangulongo wakutumika Yohane chiwona cha unkhankhu waku Yehova. Mu chiwona chinyaki, Yohane wanguwona Ufumu wakuchanya uchithereska Satana ndi kutuzgapu ulamuliru waki kwa muyaya. Iyu wanguwona Yesu wachilamuliya nge Fumu pamoza ndi a 144,000. Yohane wanguwona so kuti charu chosi chaja paradayisu mwenimo weyosi wasopa Yehova mwakukoliyana.