Ndondomeku ya Sabata ya September 9

SABATA YAKWAMBIYA SEPTEMBER 9

Sumu 13 ndi Rombu

□ Sambiru la Bayibolo la Mpingu:

bt-CN mutu 28 ndimi 16-22 (Mamin. 30)

□ Sukulu ya Uteŵeti Waku Chiuta:

Kuŵerenga Bayibolo: 1 Ŵakorinte 10-16 (Mamin. 10)

Na. 1: 1 Ŵakorinte 14:7-25 (Mamin. 4 pamwenga kusikiya pasi)

Na. 2: Kumbi Munthu Wakubuda Wangachita Wuli Kuti ‘Yehova Wamugowoke’?—2 Mik. 33:12, 13; Yes. 55:6, 7 (Mamin. 5)

Na. 3: Nchifukwa Wuli Nkhani yo Yisanirika pa Yohane 9:1, 2 Yikoliyana cha ndi Fundu Yakuti Munthu Wabalika so Kunyaki Asani Wafwa?—rs-CN peji 176 ndimi 2-3 ndipuso peji 177 ndimi 1-3 (Mamin. 5)

□ Unganu wa Uteŵeti:

Sumu 89

Mamin. 10: Kumbi Ampupuka Mukhumba Kuchitanji Paumoyu Winu?—Chigaŵa 1. Nkhani yakutuliya pa kapepala ka Chicheŵa kakuti, Kodi Achinyamata Mukufuna Kuchita Chiyani Pamoyo Wanu?—Gawo 1, ndimi 1 mpaka 9. Wongani ampupuka wosi wo ayesesa kuŵika Ufumu panthazi.

Mamin. 10: Vo Vingutichitikiya pa Nyengu Yakugaŵiya Kabuku Kakuti, Uthenga Wamampha. Nkhani. Pemphani akuvwisiya kuti akonkhoski vo vinguŵachitikiya po agwiriskiyanga nchitu kabuku kakuti, Uthenga Wamampha kuti ayambisi sambiru. Chitani so chakuwoniyapu chakulongo mo munthu wangagwiriskiya nchitu kabuku kenaka pa ulendu wakuweriyaku ku munthu yo wangulonde magazini.—Wonani Uteŵeti Widu wa Ufumu wa March 2013, peji 7.

Mamin. 10: “Yezgani Achimi—Amosi.” Nkhani ya mafumbu ndi kwamuka.

Sumu 96 ndi Rombu