Mo Tingasazgiyaku Lusu Lidu mu Uteŵeti—Kulemba Vakukwaskana ndi Munthu Wakunweka

“Jichenjeriyengi wamweni, ndi so ku chisambizu chaku.” (1 Tim. 4:16) Ulongozgi wa m’Bayibolo uwu, wo wakutumika Paulo wangukambiya Timote, ulongo kuti tikhumbika kuyesesa kusazgiyaku lusu lidu mu uteŵeti, chinanga kuti tayamba ŵaka sonu pamwenga tikwamba kali. Nkhani zasonu za mutu wakuti “Mo Tingasazgiyaku Lusu Lidu mu Uteŵeti,” zo ziyambengi kusanirika mu Uteŵeti Widu wa Ufumu, zitiwovyengi kusazgiyaku lusu lidu. Nkhani yeyosi yikonkhoskengi lusu limoza lo lingatiwovya mu uteŵeti kweniso mo tingachitiya kuti liluti panthazi. Tosi tichiskika kuti tiziyesesengi kugwiriskiya nchitu lusu lo tasambira mwezi wewosi. Asani mwezi wamala, m’nkhani ya mu Unganu wa Uteŵeti, tazamukonkhoskanga mo tinguyanduliya ndi lusu lo. Mwezi wunu, tichiskika kuti tilembengi vakukwaskana ndi munthu wakunweka yo tasaniya mu uteŵeti.