MUJIPEREKENGI PA NTCHITU YAKUPHARAZGA
Mo Tingasaziyaku Lusu Lidu mu Uteŵeti Lembani vo Mwanozeke Kuchikamba Pakugaŵiya Magazini
NTCHIFUKWA WULI NKHWAKUKHUMBIKA: Masachizgu nga mukabuku ka unganu ngalembeka kuti ngakuwovyeni waka kuziŵa vo mungachikamba. Kweni mutenere kungakamba m’mazu nginu. Mungakambisana nayu m’nthowa yo mungayanja kweniso mungasankha nkhani yinyaki yo yikoliyana ndi chigaŵa chinu. Asani mukhumba kuchigwirisiya ntchitu masachizu nginu, mutenere kuŵerenga dankha magazini, kuwona masachizu nga vo mungachikamba, ndipuso kuwonere vidiyo. Pakumaliya gwirisiyani ntchitu masachizgu yanga.
MO MUNGACHITIYA:
Jifumbeni kuti, ‘Kumbi ndikhumba kugwiriskiya ntchitu masachizu nga mukabuku?’
HINYA
Nozekiyani mazu ngo mungachikamba pakwamba. Asani mwatawuzgana mungakamba chifukwa cho mwaziya. (Mwakuyeruziyapu: “Ndaza panu kuti . . . ”)
Ŵanaŵaniyani vo mungachikamba pa kumufumba fumbu, pakuŵerenga lemba ndipuso pakumugaŵiya magazini. (Mwakuyeruziyapu: Asani mukhumba kuŵerenga lemba mungakamba kuti, “Kwamuka kwa fumbu ili kusanirika apa.”)
AWA
Sankhani nkhani m’magazini yo ŵanthu a m’chigaŵa chinu angakondweseka nayu
Ŵanaŵaniyani fumbu lo lingawovya munthu kuŵanaŵaniyapu kweniso kuti muyambi kukambisana nayu. Kweni mungafumbanga fumbu lakusuza cha. (Mwakuyeruziyapu: Mafumbu ngo ngasanirika papeji 2 m’magazini.)
Sankhani lemba lo mwamuŵerenga. (Asani ndi Galamukani! Mungasankha kuŵerenga pamwenga cha chifukwa magazini iyi yilembeke ŵanthu wo atiliziŵa umampha cha Bayibolu kweniso wo aleka kugomeza chisopa.)
Lembani chiganizu chimoza pamwenga viŵi kuti mukamukonkhose mo wangayanduliya asani wangaŵerenga nkhani yo mukambisana
KUMBUKANI KUCHITA IVI
Nozekiyani fumbu lo mungachimufumba kuti muzimuki pa ulendu wakuweriyaku
Lembani vo mwanozeke kuti mukaleki kuluwa