Mo Tingasazgiyaku Lusu Lidu mu Uteŵeti—Kunozgeke Mazu Ngakwamba

Nchifukwa Wuli Nkhwakukhumbika?: Mweneku wanyumba wakhoza kuleka kukambiskana nasi techendayambi kumupharazgiya asani wakondwa cha ndi mazu ngidu ngakwamba. Mwaviyo, apharazgi anandi awona kuti mazu ngakwamba ngakukhumbika ukongwa asani akambiskana ndi ŵanthu. Mu Uteŵeti Widu wa Ufumu ndipuso m’buku la Kukambitsirana musanirika masachizgu nga vo tingakamba kweni ndi nyengu zosi cha po tingasaniyamu mazu ngo tingayambiya kukambiskana ndi ŵanthu. Chinanga kuti masachizgu ngangaŵa ndi mazu ngakwambiya kukambiskana ndi munthu kweni apharazgi akhoza kungasintha pamwenga kugwiriskiya nchitu fundu zawu. Lusu lidu lilutengi panthazi asani tinozgeke umampha mazu ngakwamba m’malu mwakukamba ŵaka chechosi cho tingaŵanaŵana.—Nthanthi 15:28.