Yehova Watitiwovya Kuti Tikunthiyengepu Mayeseru

Mazuŵa nganu ngakumaliya tikumana ndi mayeseru nganandi kweniso ngakusuzga. Nyengu zinyaki tiwona kuti mayeseru ngo takumana nangu ngakulu ukongwa ndipu tingakunthiyapu cha. Kweni asani tindere kufupi ndi Yehova, iyu watiwovyengi kuti tikunthiyepu mayeseru ngakusuzga ukongwa. (Yes 43:2, 4) Kumbi tingandere wuli kufupi ndi Yehova asani tikumana ndi mayeseru?

Pempheru. Asani tipemphera ndi mtima wosi kwaku Yehova, watitipaska chimangu cha mumtima ndipuso nthazi kuti tikunthiyepu.​—Afi 4:6, 7; 1At 5:17.

Maunganu. Chakurya chauzimu cho chisanirika pa maunganu ngidu ndipuso kucheza ndi abali, vakukhumbika ukongwa mazuŵa nganu. (Ah 10:24, 25) Asani tinozgeke maunganu, tiwungana kweniso kumukapu, tiyanduwa ukongwa ndi mzimu waku Yehova.​—Chv 2:29.

Mu upharazgi. Viŵengi vipusu kuŵika maŵanaŵanu ngidu pa vinthu vamampha asani tipharazga mwaphamphu. Kweniso timuyanjengi ukongwa Yehova ndipuso ŵanthu wo tipharazgiya nawu limoza.​—1Ak 3:5-10.

WONERIYANI VIDIYO YAKUTI YEHOVA WANDITONGI, NDIPU MUKANI MAFUMBU YANGA:

• Kumbi ndi vinthu wuli vo vinguwovya Malu kuti walutirizgi kuja pa ubwezi ndi Yehova pa nyengu yo wakumananga ndi mayeseru?

• Nge mo venge ndi Malu, kumbi mazu nga pa Salimo 34:18 ngangatipembuzga wuli asani tikumana ndi mayeseru?

• Kumbi vo Malu wangukumana navu vilongo wuli kuti Yehova watitipaska “nthazi yakujumpha yo tituŵa nayu” asani tikumana ndi mayeseru?​—2Ak 4:7