Musambirengi Kuti Mukambiyengeku Anyinu vo Mwasambira

Asani tisambira Bayibolu tisisipulika, kweni tingasisipulika ukongwa asani tikambiyaku anyidu fundu zakuchiska zo tasaniya pa nyengu yo tasambiranga. Lemba la Nthanthi 11:25 likamba kuti: “Yo wasisipuwa anyaki nayu wasisipulikengi.”

Asani tikambiyaku anyidu vo tasambira, vititiwovya kukumbuka kweniso kuvwisa ukongwa fundu zo tasambira. Ndipu tikondwa ukongwa asani takambiyaku anyidu fundu zenizi chifukwa tiziŵa kuti nawu zingaŵawovya.—Machi. 20:35.

Yesani kuchita ivi: Musabata yamawa, yesani kukambiyaku munthu munyaki vo mwasambira. Mungakambiya munthu wa mu banja linu, Mkhristu munyinu, yo mugwira nayu ntchitu, yo musambira nayu sukulu, yo muja nayu pafupi pamwenga munthu weyosi yo mwakumana nayu muuteŵeti. Mukonkhoskiyeni vo mwasambira mu mazu nginu ndi nginu, mwakudumuwa kweniso mwakuvwika umampha.

Kumbukani fundu iyi: Mukambiyengeku anyinu vo mwasambira ndi chilatu chakuti mujiwonesi cha, kweni kuti muŵachiski.—1 Akori. 8:1.