Kumbi Chiuta Ndiyu Wachitiska Masuzgu?

Vo Bayibolu limuka

Bayibolu limuka mwakuvwika umampha kuti ndi Chiuta cha! Lenga khumbu laku Yehova Chiuta cha kuti ŵanthu asuzgikengi. Kweni ŵanthu ŵaŵi akwamba angugarukiya ulamuliru waku Chiuta ndipu akhumbanga kuti asankhengi ŵija pakati pa chamampha ndi chiheni. Yiwu angutuwaku kwaku Chiuta ndipu angwamba kusuzgika chifukwa cha vo angusankha.

Mazuŵa nganu tisuzgika chifukwa chakuti yiwu angusankha uheni. Kweni ndi Chiuta cha yo wangwambisa masuzgu.

Bayibolu likamba kuti: “Asani munthu wateseka, wangakambanga cha kuti: ‘Ndiyeseka ndi Chiuta.’ Pakuti Chiuta wayeseka cha ndi vinthu viheni ndipuso iyu mweneku watesa munthu weyosi cha.” (Yakobe 1:13) Weyosi wangakumana ndi masuzgu chinanga mbanthu wo ateŵete Chiuta.