LAYIBULARE YA PA INTANETI
Watchtower
LAYIBULARE YA PA INTANETI
Chitonga (Malawi)
  • BAYIBOLU
  • MABUKU
  • MAUNGANU
  • bm chigaŵa 1 p. 4
  • Mulengi Wapaska Ŵanthu Paradayisu

Vidiyo yo mwasankha palivi.

Pepani, vidiyo iyi yikana kujula.

  • Mulengi Wapaska Ŵanthu Paradayisu
  • Kumbi Bayibolu Le Ndi Uthenga Wuli?
  • Nkhani Yakuyanana
  • Kumbi Umoyu Wenga Wuli mu Paradayisu?
    Vwiyani Chiuta Kuti Muje ndi Umoyu Wamuyaya
  • Ataya Mwaŵi Wakuja mu Paradayisu
    Kumbi Bayibolu Le Ndi Uthenga Wuli?
  • Munthulumi ndi Munthukazi Akwamba wo Chiuta Wangupanga
    Sambirani Nkhani za m’Bayibolu
  • Ntchifukwa Wuli Tikota Ndipuso Kufwa?
    Chigongwi cha Mlinda Chakupharazga Ufumu Waku Yehova (Chakugaŵiya)—2019
Wonani Vinandi
Kumbi Bayibolu Le Ndi Uthenga Wuli?
bm chigaŵa 1 p. 4
Adamu ndi Heva ŵe mumunda wa Edeni limoza ndi vinyama

CHIGAŴA 1

Mulengi Wapaska Ŵanthu Paradayisu

Chiuta walenga kuchanya ndi vamoyu pacharu chapasi, iyu walenga munthurumi ndi munthukazi akufikapu ndipu watiŵaŵika mu munda wakutowa ndi kuŵapaska marangu ngakuti alondongi.

Nkharamu, viyuni kweniso mphoyu ve mumunda wa Edeni

‘PAKUDANKHA Chiuta wangulenga kuchanya ndi charu chapasi.’ (Chiyambo 1:⁠1) Mazu yanga ngaziŵika ukongwa ndipu ngakulembeka M’mabayibolu nganandi. Mazu ngakwamba ngenanga, ngatitilongo kuti Bayibolu likamba za Munthu mweniyo wazumbulika ukongwa m’Malemba ngosi Ngakupaturika, Chiuta wanthazi zosi, Yehova. Vesi lakwamba la m’Bayibolu likamba kuti Chiuta ndi Mulengi wakuchanya ndipuso charu cho tijamu. Mavesi nganyaki ngakulondopu, ngakonkhoska kuti Chiuta wakulenga charu kwa nyengu yitali kweni panyengu zakupambanapambana kuti isi tijemu ndipuso wakulenga vinthu vakutowa vo ve m’charu.

Chinthu chakuzirwa ukongwa cho Chiuta wangupanga pacharu chapasi wenga munthu. Munthu mwenuyu wangumulenga muchikozgu chaki ndipu watingi walongongi mijalidu yaku Yehova nge chanju ndipuso zeru. Chiuta wangulenga munthu kutuliya ku fuvu la pacharu chapasi. Iyu wangumudana kuti Adamu ndipu wangumuŵika mu paradayisu, munda wa Edene. Chiuta wangupanda vimiti vakutowa va vipasu, mu munda wa Edene.

Chiuta wanguwona kuti munthu yo wangulenga wakhumbikanga kuja ndi munyaki. Iyu wangugwiriskiya nchitu mbaŵara yimoza yaku Adamu ndi kupangiya munthukazi ndipu wangumupereka kwaku Adamu kuti waje muwolu waki, pavuli paki wangumudana kuti Eva. Chifukwa cha likondwa Adamu wangukamba mazu ngakuti: “Uyu sono nchiwanga cha viwanga vyangu ndi nyama ya nyama yangu.” Pavuli paki Chiuta wangukamba kuti: ‘Chifukwa chenichi munthurumi walekengi awiski ndi anyina ndipu wajibatikengi ku muwolu waki ndipu aŵengi liŵavu limoza.’​—⁠Chiyambo 2:​22-24; 3:⁠20.

Chiuta wangupaska Adamu ndi Eva marangu ngaŵi. Chakwamba, wanguŵakambiya kuti alimi ndi kuphwere charu chapasi cho chenga muzi wawu ndipu pakumaliya abali ŵana ndi kuzaza charu chosi. Chachiŵi, wanguŵakambiya kuti aryengi vipasu vosi va m’munda wo kweni vipasu va m’chimiti chimoza ‘chakuziŵisa umampha ndi uheni’ angaryanga cha. (Chiyambo 2:17) Asani aleka kuvwiya afwengi. Ndi marangu ngenanga, Chiuta wangupaska munthurumi ndi munthukazi mwaŵi wakulongo kuti azomerezga kuti iyu ndiyu Watiŵawusa. Asani anguvwiya atingi alongongi so chanju ndi kuwonga. Yiwu ŵenga ndi mwaŵi wosi wakuzomerezge muwusu waki wa chanju. Panyengu iyi ŵanthu yaŵa ŵengavi ubudi wewosi. Bayibolu lititikambiya kuti: “Ndipo Chiuta wanguwona chose cho wanguchita, ndipo chenga chamampha ukongwa.”​—⁠Chiyambo 1:⁠31.

​—⁠Nkhani iyi yatuliya pa Chiyambo chaputala 1 ndi 2.

  • Kumbi Bayibolu likambanji za kulengeka kwa ŵanthu ndi charu chapasi?

  • Kumbi Chiuta wanguŵapaska umoyu wuli Adamu ndi Eva?

  • Kumbi Chiuta wangupereka marangu wuli ku munthurumi ndi munthukazi akwamba?

ZINA LAKU CHIUTA

Bayibolu lizumbuwa Chiuta ndi mazina ngakupambanapambana, nge Mulengi ndipuso Chiuta Wanthazi Zosi. Mazina nganyaki ngalongo mijalidu yaki, nge mutuŵa, nthazi zaki, kuchita vinthu mwaurunji, zeru zaki ndipuso chanju chaki. Chiuta wakujipaska so zina lapade lakuti, Yehova. Bayibolu po likulembeke muvineneru vakwamba, zina laku Chiuta lisanirika nyengu zakukwana 7,000 ndipu pakwamba lisanirika pa Chiyambo 2:⁠4. Zina lakuti Yehova, ling’anamuwa kuti “Wapangiska Vinthu Kujaku.” Kuziŵa venivi nkhwakukondwesa chifukwa kung’anamuwa kuti Chiuta wangachita chinthu chechosi cho waŵanaŵana ndipuso wafiska layizgu lelosi lo walayizga.

    Mabuku nga Chitonga (1996-2025)
    Tuwanipu
    Sereni
    • Chitonga (Malawi)
    • Tumizani
    • Vo Mukhumba
    • Copyright © 2025 Watch Tower Bible and Tract Society of Pennsylvania
    • Fundu zo Mutenere Kulondo
    • Nkhani Yakusunga Chisisi
    • Kusintha Vinthu Vachisisi
    • JW.ORG
    • Sereni
    Tumizani