CHIGAŴA 1

Kumbi Tingachita Wuli Kuti Tivwisiyengi vo Chiuta Wakamba?

Chiuta walongoro nasi kuziya mu Bayibolu. 2 Timote 3:16

Yehova we kuchanya pampandu waki waufumu ndipu wakambiya ŵanthu kuti alembi Bayibolu

Chiuta wauneneska wangutuma anthurumi kuti alembi maŵanaŵanu ngaki mubuku limoza lakupaturika. Buku lenili lidanika kuti Bayibolu. Ilu le ndi fundu zakukhumbika ukongwa zo Chiuta wakhumba kuti muziziŵi.

Chiuta waziŵa vinthu vo vingatiwovya ndipu iyu pe ndiyu wangatipaska zeru. Asani muvwiyengi Chiuta mujengi azeru.—Nthanthi 1:5.

Mabayibolu nga vineneru vakupambanapambana; munthu waŵerenga Bayibolu mu chineneru chaki

Chiuta wakhumba kuti munthu weyosi pacharu chapasi waŵerengengi Bayibolu. Mazuŵa nganu lisanirika mu vineneru vinandi.

Asani mukhumba kuvwiya Chiuta, muŵerengengi Bayibolu ndi kulivwisisa.

Ŵanthu pacharu chosi chapasi asambira vakukwaskana ndi Chiuta. Mateyu 28:19

Kaboni waku Yehova waŵerenge munthu lemba la mu Bayibolu, pavuli paki walutirizga kusambira nayu Bayibolu

Akaboni aku Yehova angakuwovyani kuti mulivwisisengi Bayibolu.

Yiwu asambiza uneneska wakukwaskana ndi Chiuta pacharu chosi chapasi.

Akaboni aku Yehova achita maunganu pa Nyumba ya Ufumu

Mukhumbika kulipira ndalama cha kuti musambiri uneneska wenuwu. Mungasambira so vakukwaskana ndi Chiuta ku Nyumba ya Ufumu ya Akaboni aku Yehova yo ye muchigaŵa chinu.