VO BAYIBOLO LIMUKA

Kumbi mungalivwisisa Bayibolo?

Bayibolo ndi Mazu ngaku Chiuta ndipu le nge kalata wakutuliya kwa ada achanju. (2 Timote 3: 16) M’Bayibolo, Chiuta wakonkhoskamu vo tingachita kuti timukondwesengi, chifukwa cho wazomerezge kuti vinthu viheni vichitikengi ndipuso vo wazamuchitiya ŵanthu kunthazi. Asambizi a visopa asambiza vinthu vaboza ndipu ivi vachitiska kuti ŵanthu anandi agomezgengi kuti Bayibolo angalivwisisa cha.—Machitidu 20:29, 30.

Yehova Chiuta, wakhumba kuti tiziŵi uneneska wakukwaskana ndi iyu. Ndichu chifukwa chaki, iyu watipaska buku lenili lo ndambula kusuzga kulivwisisa.—Ŵerengani 1 Timote 2:3,4.

Kumbi mungachita wulikuti mulivwisisengi?

Kusazgiyapu pakutipaska Bayibolo, Yehova watiwovya so kuti tilivwisisengi. Iyu wangutumiza Mwana waki kuti wazitisambizi. (Luka 4:​16-21) Yesu wanguwovya ŵanthu wo waŵapharazgiyanga kuti avwisi vo malemba ngang’anamuwa. Iyu waŵakonkhoskiyanga vesi lelosi pakulija.—Ŵerengani Luka 24:27, 32, 45.

Yesu wangujalikiska mpingu wachikhristu kuti ulutirizgi nchitu yo iyu wangwambisa. (Mateyu 28:19, 20) Mazuŵa nganu, akulondo Yesu auneneska, atovya ŵanthu kuziŵa vo Bayibolo lisambiza vakukwaskana ndi Chiuta. Asani mukhumba kulivwisisa, Akaboni aku Yehova angakondwa kukuwovyani.—Ŵerengani Machitidu 8:30, 31.