CHIGAŴA 14

Kumbi Tingalongo Wuli Kuti Te Akugomezgeka Kwaku Yehova?

Jani kuchigaŵa chaku Chiuta. 1 Peturo 5:6-9

Mkhristu wakana kuchitaku vinthu vakukwaskana ndi chisopa chaboza pamwenga ndali

Mungachitangaku cha midawuku yeyosi yo yileka kukoliyana ndi fundu za mu Bayibolu. Pakhumbika chiganga kuti muleki kuchitaku midawuku yeniyi.

Mungachitangaku cha vinthu va ndali vo ŵanthu amitundu achita, chifukwa vikoliyana cha ndi Yehova ndipuso Ufumu waki.

Sankhani umampha, vwiyani Chiuta. Mateyu 7:24, 25

Munthu we ku maunganu ku Nyumba ya Ufumu, kweniso wasambira Bayibolu ndi Kaboni waku Yehova

Muwunganengi ndi Akaboni aku Yehova, yiwu akuwovyeningi kuti muje paubwezi ndi Chiuta.

Lutirizgani kusambira vaku Chiuta ndipu muyesesengi kuvwiya marangu ngaki.

Munthu watijipereka kwaku Yehova mupempheru ndipu pavuli paki wabatizika

Asani chivwanu chinu chakho mu vo musambira , mutenere kujipatuliya kwaku Yehova ndi kubatizika.—Mateyu 28:19.

Muvwiyengi Chiuta. Muŵerengengi Bayibolu ndipu pemphani Akaboni aku Yehova kuti akuwovyeni kulivwisa umampha. Mugwiriskiyengi ntchitu vo musambira. Asani muchitengi viyo, mwazamuja ndi umoyu wamuyaya.—Masalimo 37:29.