Mazu Ngakwamba nga Chigaŵa 2

Ntchifukwa wuli Yehova wanguzisa chigumula cho chingunanga charu chakali? Nkhani ya pakati pa uheni ndi umampha yikwamba kali pati pajumpha nyengu yimanavi kutuliya po ŵanthu angupangikiya. Ŵanthu anyaki, nge Adamu, Heva ndi mwana wawu Kaini, angusankha kuja kuchigaŵa chiheni. Anyaki amanavi, nge Abelu ndi Nowa, angusankha kuja kuchigaŵa chamampha. Ŵanthu anandi angwamba kuchita vinthu viheni ndipu Yehova wanguŵananga. Chigaŵa ichi chitiwovyengi kuziŵa kuti Yehova wawona chigaŵa cho tasankha kweniso kuti iyu wazomerezengi cha kuti uheni uthereski umampha.