Mulongorongi Mwakuvwika Umampha

1 Akorinto 14:9

FUNDU YAKUDUMUWA: Wovyani akuvwisiya kuti avwisi umampha uthenga wo we mu nkhani yinu.

MO MUNGACHITIYA:

• Muyinozgekiyengi mwakukwana nkhani yinu. Mutenere kuvwisa umampha fundu zo ze mu nkhani yinu kuti mukakonkhoski mwakuvwika umampha kweniso mu mazu nginu.

• Mukambengi viganizu vifupivifupi ndipuso mazu ngapusu. Chinanga kuti mungakamba viganizu vitalivitali, kweni mutenere kukamba fundu zikuluzikulu mwakugwiriskiya ntchitu mazu ngapusu kweniso viganizu vifupi.

• Mukonkhoskengi mwakuvwika umampha vinthu vo akuvwisiya aleka kuviziŵa. Mungayanjanga cha kukamba vinthu vo akuvwisiya aleka kuviziŵa. Ndipu asani mukhumba kukamba nkhani ya munthu munyaki yo wazumbulika m’Bayibolu, vinthu vo akuvwisiya aleka kuviziŵa, mo kali apimiyanga vinthu pamwenga midawuku yakali, mukonkhoskengi mwakuvwika umampha.