Mo Mungasambiriya ndi Munthu Mwakugwiriskiya Ntchitu Buku Lakuti Kondwani ndi Umoyu Kwamuyaya!

Mwechendayambi sambiru

1. 

   1. Munozgekiyengi umampha. Asani munozgeke, muŵanaŵaniyengi vo wakusambira winu wakhumbika, mo vinthu viliri pa umoyu waki ndipuso vo wagomezga. Muyesesengi kuŵanaŵaniya fundu zo zingaŵa zakusuzga kuti wazivwisi pamwenga kuzigwiriskiya ntchitu. Ŵanaŵaniyani mo nkhani zo ze pachigaŵa chakuti “Fufuzani” zingamuwovye kweniso mo wangazigwiriskiya ntchitu panyengu yo wasambira.

Asani musambira

1. 2. Yambani kweniso kumaliza ndi pempheru, asani wakusambira wazomerezgana navu.

2. 

   3. Mukhumbika cha kulongoro vinandi. Kweni mukonkhoskengi fundu zo ze mu nkhani yo ndipu mumupaskengi mpata wakuti wakambengepu maŵanaŵanu ngaki.

3. 4. Asani mutamba chigaŵa chinyaki chikulu, ŵerengani mazu ngo nge ndi fundu yikulu ndipuso zumbuwanipu masambiru ngamanavi ngo nge mu chigaŵa cho.

4. 5. Asani mwamaliza chigaŵa chechosi chikulu, gwiriskiyani ntchitu chigaŵa chakuti kuweriyamu kuti muwovyi wakusambira winu kukumbuka fundu za uneneska zo wasambira.

5. 6. Nyengu yeyosi yo musambira nayu:

   1. Muŵerengengi ndimi.

   2. Muŵerengengi malemba ngosi ngo alemba kuti “Ŵerengani.”

   3. Muŵerengengi so malemba nganyaki ngo nge mu sambiru lo po muwona kuti mphakwenere.

   4. 

      Muwoneriyengi mavidiyo ngosi ngo alemba kuti “Woneriyani” (asani mwenangu).

   5. Mufumbeni mafumbu ngosi wakusambira winu.

   6. Mukambiyeni kuti wawoni vithuzi vo ve pachigaŵa chakuti “Sambirani Vinandi” ndipu wakonkhoski vo wasambirapu.

   7. Gwiriskiyani ntchitu kabokosi kakuti “Vo Mungachita” kuti mumuwovyi kujiziŵa mo walutiya panthazi mwauzimu. Mungamuchiska kuti wagwiriskiyi ntchitu chakuwoniyapu cha vo wangachita cho chalembeka pa sambiru lo musambira pavuli paki wangajiŵikiya vilatu vinyaki.

   8. Mufumbeni wakusambira winu kuti wakambi nkhani pamwenga vidiyo ya pachigaŵa chakuti “Fufuzani” yo yingumukondweska ukongwa pa nyengu yo wanozgekiyanga sambiru.

   9. Muyesesengi kumaliza sambiru lelosi nyengu yimoza.

Asani mwamaliza kusambira

1. 

   7. Lutirizgani kuŵanaŵaniya wakusambira winu. Pemphani Yehova kuti wamuwovyi kuti wakuwi mwauzimu kweniso kuti namwi wakupaskeni zeru zo zingakuwovyani kuziŵa vo mungachita kuti mumuwovyi.