Gwiriskiyani Ntchitu Buku Lakuti Kondwani ndi Umoyu Kwamuyaya! mu Upharazgi

Te akukondwa ukongwa chifukwa cha kabuku kweniso buku lasonu lakuchitiskiya masambiru nga Bayibolu! Tipempha kuti Yehova watumbiki phamphu lidu kuti tiwovyi ŵanthu anandi kuti aje akusambira. (Mt 28:18-20; 1Ak 3:6-9) Kumbi tingavigwiriskiya wuli ntchitu vidya vasonu venivi?

Buku lakuti Kondwani ndi Umoyu Kwamuyaya!, kusambira Bayibolu mwakukambiskana, le ndi nthowa zasonu zakusambiziya. Pa nyengu yo munozgeke kweniso kusambira Bayibolu ndi munthu gwiriskiyani ntchitu ulongozgi uwu.a

• Ŵerengani ndimi ndi kukambiskana mafumbu

• Ŵerengani malemba ngo ngalembeka kuti “ŵerengani” ndipu wovyani munthu yo musambira nayu kuti wavwisi mo wangagwiriskiya ntchitu lemba lo

• Wonesani mavidiyo ndi kukambiskana mwakugwiriskiya ntchitu mafumbu ngo nge pa kabuku keniko

• Yesesani kumaliza sambiru lelosi pa nyengu yimoza

Asani mwe mu upharazgi, mugaŵiyeni kabuku munthu kuti muziŵi asani wakhumbisiska kusambira. (Wonani bokosi lakuti “Mo Mungagaŵiya Kabuku kakuti Kondwani ndi Umoyu Kwamuyaya! pa Ulendu Wakwamba.”) Asani mwamaliza kusambira ndi munthu kabuku yaka ndipu wakhumba kulutiriza kusambira, mugaŵiyeni buku ndipu yambani kusambira nayu sambiru 04. Asani munthu musambira nayu buku lakuti Tingasambiranji m’Bayibolu pamwenga lakuti Mulungu Azikukondani, mungayamba kusambira nayu buku lakuti Kondwani ndi Umoyu Kwamuyaya! Mungasankha sambiru lo mungayamba kusambira nayu.

WONERIYANI VIDIYO YAKUTI VAKUKONDWESA KUTI MWAYAMBAPU KUSAMBIRA BAYIBOLU, NDIPU MUKANI MAFUMBU YANGA:

• Kumbi ŵanthu wo musambira nawu asambirengenji mu buku lasonu lenili?

• Ntchifukwa wuli ŵanthu wo mwayamba kusambira nawu sonu mukhumbika kuŵawonesa vidiyo iyi?

• Kumbi mukhumbika kuchiska wo musambira nawu Bayibolu kuti afiski vilatu wuli?—Wonani tchati cha mutu wakuti “Fundu Yikulu Kweniso vo Mungachita pa Chigaŵa Chechosi.”