Kumbi Muyambisengi Sambiru la Bayibolo mu Mwezi wa October?
1 M’mwezi wa October, tigaŵiyengi magazini nga Nsanja ya Olonda ndi Galamukani! Kuti tiweriyeku ku ŵanthu akunweka, tichiskika kuzigaŵiya kapepala kakuti, Kumbi Mungayanja Kuziŵa Uneneska? ndi kuyesesa kuyambisa sambiru la Bayibolo. Kumbi tingachita wuli venivi pa ulendu wakuweriyaku?
2 Mo Tingagwiriskiya Nchitu Kapepala Kenaka: Tingakamba kuti: “Magazini ngo Ndingukusiliyani ngachiska ŵanthu a mitundu yakupambanapambana ndipuso visopa kuti asambirengi Bayibolo. [Mupaskeni mweneku wa nyumba kapepala kakuti Kuziŵa Uneneska, ndipu mulongoni mafumbu ngo nge pa peji lakwamba.] Awonani mafumbu nganyaki yanga ngakukhumbika kungaŵanaŵaniya, ngo Bayibolo lipereka kwamuka kwaki mwakuko mtima. Kumbi mukujifumbapu lelosi la mafumbu ngenanga?” Asani mweneku wa nyumba wamuka, kambiskanani nayu vo ve mukapepala vakukwaskana ndi fumbu lo wafumba ndipu ŵerengani lemba limoza pa malemba ngo ngalongoleka. Ndipu mukonkhoskiyeni kuti fundu zo zalembeka yapa ndi fundu zimanavi waka pa fundu zo Bayibolo lisambiza ndipu mupaskeni buku lakuti Baibulo Limaphunzitsa Chiyani. Pavuli paki, tingakambiskana nayu ndimi zakwamba za mutu wo wasankhengi kutuliya pa mitu ya nkhani. Pamwenga so tingasankha kuwona po pasanirika fundu zakusazgiyapu zakukwaskana ndi mutu wo tikambiskana, wo tawuto pa kapepala. Mafumbu nganyaki ngo ngangatiwovya ndi yanga:
● Kumbi Chiuta watitiphwere nadi? (bh-CN peji 9-11 ndimi 6-10)
● Kumbi nkhondu ndi masuzgu vyazamumala? (bh-CN peji 12 ndimi 12-13)
● Kumbi nchinthu wuli cho chichitika asani munthu wafwa? (bh-CN peji 59-60 ndimi 7-8)
● Kumbi abali ŵidu wo akufwa tazakuŵawona so? (bh-CN peji 71 ndimi 13-15)
● Kumbi ndingachita wuli kuti Chiuta wavwengi marombu ngangu? (bh-CN peji 166-167 ndimi 5-8)
● Kumbi ndingachita wuli kuti ndiŵi ndi umoyu wa likondwa? (bh-CN peji 9 ndimi 4-5)
3 Mbuneneska kuti nyengu zinyaki pa ulendu wakuweriyaku wakwamba, kungaŵa kwakusuzga kwambisa ndi kulongo mo tichitiya sambiru pakugwiriskiya nchitu buku lakuti, Baibulo Limaphunzitsa Chiyani, kweni nyengu zosi tingapanga manozgeru ngakuti tiziweriyeku ndi kulutirizga kukambiskana kwidu. Malinga ndi linweka lo munthu wenalu, tingasankha kukambiskana nayu mafumbu ngakujumpha palimoza ngo nge mu kapepala ko, pa maulendu ngidu ngakuweriyaku, techendayambi kusambira nayu buku. Tiyeni tikagwiriskiyi nchitu umampha kapepala kakukhumbika ukongwa kenaka m’mwezi wa October, pakwambiskiya sambiru la Bayibolo ndi kuwovya ŵanthu a mitima yamampha kuti ‘aziŵi uneneska.’—Yoha. 8:31, 32.
[Mafumbu]
1. Kumbi tigaŵiyengenji m’mwezi wa October?
2. Kumbi tingagwiriskiya wuli nchitu kapepala kakuti Kuziŵa Uneneska, kuti tikayambisi sambiru la Bayibolo, asani tiweriyaku ku munthu yo wangulonde magazini?
3. Kumbi tingasintha wuli upharazgi widu malinga ndi vakuchitika va ŵanthu?