Kagwiriskiyeni Nchitu Umampha Nyengu Zosi
1. Kumbi kapepala kakuti Kuziŵa Uneneska, kangatiwovya kuchitanji?
1 Kapepala kakuti Kumbi Mungayanja Kuziŵa Uneneska? kakupangika kuti katiwovyi kwambisa masambiru nga Bayibolo. Ndipuso nkhachida ko tingagwiriskiya nchitu pa kumija mbewu ya uneneska. (Waku. 11:6) Yanga ndi masachizgu nganyaki ngo ngangatiwovya kuti tikagwiriskiyengi nchitu umampha.
2. Kumbi tingakagwiriskiya nchitu wuli kapepala yaka kuti tiyambi kukambiskana ndi munthu?
2 Kuti Muyambi Kukambiskana: Mungamupaska mwenechu wanyumba kapepala ko, mulongoni mafumbu 6 ngo nge pa peji lakwamba ndipu mufumbeni kuti: “Pa mafumbu yanga, ndifumbu nili lo imwi mukujifumbapu?” Asani wamuka, kambiskanani nayu kwamuka kwakutuliya m’Bayibolo, ko kwe m’kapepala ko ndipu ŵerengani lemba limoza pa malemba ngo ngaŵikika. Ŵerengani ndi kukonkhoska mwakudumuwa vo ve pa peji lakumaliya ndipu mugaŵiyeni buku lakuti Baibulo Limaphunzitsa Chiyani. Chinanga kuti wangakana kulonde buku, kweni walonde mbwenu kapepala ko kangachitisa kuti uneneska usere mu mtima mwaki.—Mate. 13:23.
3. Asani mwenechu wanyumba watangwanika, kumbi tingachitanji?
3 Asani Mweneku Wanyumba Watangwanika: Mungakamba kuti: “Pakuti ndakusaniyani pa nyengu yiheni, ndingayanja kukusiliyani waka kapepala yaka. Kapepala kenaka ke ndi mafumbu 6 ngakukhumbika ukongwa ngo kanandi titijifumba ndipu kalongo umampha vo Bayibolo likamba pakumuka mafumbu ngenanga. Panyengu yo ndazamuziya, ndikhumba kuzivwa maŵanaŵanu nginu.”
4. Kumbi tingakambanji mu upharazgi wa m’musewu asani tigaŵiya kapepala kakuti, Kuziŵa Uneneska?
4 Asani Tipharazga M’musewu: Mungakamba kuti: “Timoneni. Kumbi mukujifumbapu lelosi la mafumbu yanga? [Lindizgani kwamuka.] Kapepala yaka kalongo umampha kwamuka kwakukhorweska ko kusanirika m’Bayibolo.” Asani munthu yo wathaŵiriya cha, mungakambiskana nayu kwamuka kutuliya mu kapepala ndipu mungamugaŵiya buku la Baibulo Limaphunzitsa Chiyani.
5. Kumbi tingakagwiriskiya nchitu wuli kapepala kakuti Kuziŵa Uneneska, asani tasaniyapu ŵanthu cha panyumba?
5 Asani Panyumba Palivi Ŵanthu: Muvigaŵa vinyaki, kanandi apharazgi asiya mabuku pamalu ngambula kuwoneke asani asaniya kuti panyumba palivi ŵanthu. Asani ivi ndivu vichitika mu mpingu winu, kumbi nyengu zinyaki mungayesa kusiya kapepala ka kuti, Kuziŵa Uneneska? Asani mwaweriyaku mungakamba kuti: “Panyengu yo tinguza panu, tingukusaniyani cha, mwaviyo tingukusiliyani kapepala yaka. Pa mafumbu yanga ndi fumbu nili lo mungayanja kuti muziŵi kwamuka kwaki?”
6. Kumbi nchinthu wuli cho chichitiska kuti kapepala kakuti Kuziŵa Uneneska, kaje chidya chamampha ukongwa chakupharazgiya?
6 Kapepala kakuti Kuziŵa Uneneska kakonkhoska uneneska mu nthowa yipusu ndipuso mwakudunjika. Kakwaska ŵanthu a visopa vosi ndipuso a mijalidu yakupambanapambana. Nkhambula kusuzga kukagaŵiya, chinanga ndi ŵana kweniso apharazgi asonu angagaŵiya. Kumbi mutikagwiriskiya nchitu umampha ndipuso mwakwenere?