Masachizgu nga vo Mungakamba

Kumbi ndi Nunkhu ko Tingasaniya Kwamuka kwa Mafumbu ngo Ngatitisuzga pa Umoyu Widu?

Tawuzgani mweneku wanyumba ndipu kambani kuti: “Tigaŵiya kapepala ko kagaŵika pacharu chosi ko ke ndi uthenga wakukhumbika ukongwa. Londiyani kinu yaka.” Mupaskeni kapepala kuti wawoni mutu waki.

Asani musiya kapepala panyumba yo palivi munthu, mukapeti ndi kukasiya pamalu ngamampha kuti mweneku wanyumba wazikasaniyi.

Asani mweneku wanyumba we ndi linweka pamwenga wakhumba kuti mukambiskani, mungamufumba vo waŵanaŵana pa mafumbu ngo nge papeji lakwamba. Julani kapepala ko ndipu mulongoni vo likamba lemba la Sumu 119:144, 160. Konkhoskani kuti kapepala ko, kakamba za Webusayiti yo yingamuwovya kuziŵa vo Bayibolo limuka pa mafumbu ngo wangaŵa nangu. Panyaki mungamuwonesa vidiyo ya mutu wakuti, Nchifukwa Wuli Tikhumbika Kusambira Bayibolo? Mwechendatuwepu, mulongoni mafumbu ngatatu ngo nge kuvuli kwa kapepala ndipu mupempheni kuti wakambi fumbu lo wakhumbisiska kuziŵa kwamuka kwaki. Mukambiyeni kuti mwazamukuza so kuti muzimulongo mo wangazisaniriya vo Bayibolo limuka pa fumbu lo, mwakugwiriskiya nchitu jw.org. Asani mwaziweriyaku, kambiskanani kwamuka kwa fumbu lo pa kamutu kakuti: ZIMENE BAIBULO LIMAPHUNZITSA > KUYANKHA MAFUNSO A M’BAIBULO.

Asani mugaŵiya so timapepala takudaniya ŵanthu ku unganu wachigaŵa, mungagaŵiya mweneku wanyumba kapepala kafya kenaka limoza ndi kapepala kakumudaniya ku unganu ndipu mungakamba kuti: “Takupaskani so kapepala kakukudaniyani ku unganu wo uchitikengi pambula kuswera yapa.”

Chigongwi cha Alinda July-August

Pa Chisulu ndi Sabata, asani mphakwenere mungakamba ivi pakugaŵiya Chigongwi cha Alinda. “Tipenja so kukugaŵiyani magazini ngasonu yanga. Po Yesu wakambiyanga chigaŵenga cho chingupayikika nayu pafupi kuti, ‘Uŵengi m’Paradayisu pamoza nani,’ ŵanthu anandi agomezga kuti wang’anamuwanga kuti munthu mwenuyu wamuja kuchanya. Nkhani iyi yikonkhoska vo Yesu wang’anamuwanga.” Gwiriskiyani nchitu nkhani yo ye papeji 14.

Galamukani! August

Pa Chisulu ndi Sabata, asani mphakwenere mungakamba ivi pakugaŵiya magazini ya Galamukani! “Tipenja so kukugaŵiyani magazini ngasonu yanga. Magazini iyi ya Galamukani! yimuka fumbu lakuti, Kumbi ŵanthu angachita wuli kuti aje pa chimangu?”