Vo Tingakamba Pakugaŵiya Magazini

Nsanja ya Olonda October 1

“Ŵanthu anandi azizwa asani Chiuta wakwasika ndi masuzgu ndipuso chitima cho ŵanthu ŵe nachu. Kumbi imwi muŵanaŵana wuli? [Lindizgani kwamuka. Pavuli paki, Ŵerengani Sumu 34:18.] Nkhani yo yayambiya pa peji 19 yikonkhoska mo Chiuta watitiwovye kulimbana ndi maŵanaŵanu ngaheni nge kujiwona kuti ndisi ambula kukhumbika, kuja ndi chitima chikulu ukongwa ndipuso kujimba mulandu mwakujumphiska.”

Galamukani! October

“Ŵanthu anyaki atimuwona Chiuta nge nthazi waka. Anyaki atimuwona nge munthu yo wakwaskika ndi vo vichitika. Kumbi imwi muŵanaŵana wuli? [Lindizgani kwamuka.] Wonani fundu yakukondwesa iyi. [Ŵerengani 1 Petro 5:​6, 7.] Nkhani yo yayambiya papeji 29, ipereka kwamuka kwa m’Bayibolo, pa fumbu lakuti, Kumbi Chiuta ndi munthu chayiyu?”

Nsanja ya Olonda November 1

“Tosi tikhumba kuja akugutisika. Kumbi muŵanaŵana kuti kuja ndi ndalama ndiku kungatichitisa kuti tije akugutisika? [Lindizgani kwamuka.] Munthu munyaki wakulemba Bayibolo wangusambira mo wangajaliya wakugutisika ndi vinthu vimanavi vo wenga navu. [Ŵerengani Ŵafilipi 4:​11, 12.] Magazini iyi yikonkhoska fundu zinkhondi zo zisanirika m’Bayibolo zo zingatiwovya kuja akugutisika.”

Galamukani! November

“Ŵanthu anyaki wo agomezga kuti kulivi Chiuta akamba kuti vinthu viheni vichitika mu zina laki, ndipu aŵanaŵana kuti charu chingaja umampha kwambula chisopa. Kumbi imwi muŵanaŵana wuli? [Lindizgani kwamuka.] Chifukwa chimoza cho chisopa chaboza chichitisiya masuzgu ndi ichi. [Ŵerengani 2 Timote 4:​3, 4.] Magazini iyi yikonkhoska maboza nganyaki ngo ŵanthu wo agomezga kuti kulivi Chiuta akamba.”