Vo Tingakamba Pakugaŵiya Magazini

Nsanja ya Olonda November 1

“Kumbi muŵanaŵana kuti angelu akondwa ndi vo tichita? [Lindizgani kwamuka.] Bayibolo likonkhoska fundu yakukondwesa iyi. [Ŵerengani Luka 15:10.] Nkhani iyi yikonkhoska vo Yesu wangukamba vakukwaskana ndi mo vakulengeka vauzimu vititikwasiya.” Longoni nkhani yo yayambiya pa peji 16.

Galamukani! November

“Ŵerengani 2 Timote 3:16. Pavuli paki kambani kuti: “Kumbi muzomereza kuti titenere nadi kugomezga vosi vo Bayibolo likamba? [Lindizgani kwamuka.] Nkhani iyi yikonkhoska asani vo akufufuza m’mahami ndipuso vo mbiri yikamba vikoliyana ndi vo Bayibolo likamba, vakukwaskana ndi Egipiti wakali.” Longoni nkhani yo yayambiya pa peji 15.

Nsanja ya Olonda December 1

“Ŵanthu anandi agomezga kuti kumalu nganyaki nga mizimu kwe ŵanthu a zeru ukongwa wo alongozga maumoyu ngidu. Kumbi imwi muŵanaŵana wuli? [Lindizgani kwamuka. Pavuli paki ŵerengani Chivumbuzi 12:​7-9.] Magazini iyi yilongo vo Bayibolo likamba vakukwaskana ndi ŵanthu wo aja kumalu nga mizimu, mo atitikwasiya ndipuso asani tingakhoza kukambiskana nawu.”

Galamukani! December

“Kumbi mukuŵanaŵanapu kuti nchifukwa wuli Khrisimasi yichitika pa 25 December, po Bayibolo likambapu cha zuŵa lo Yesu wanguwiya? [Lindizgani kwamuka.] Nge mo vesi ili likambiya, vingachitika cha kuti Yesu waweku mu nyengu yachifuku, kuchigaŵa cha ku nkhondi cha charu chapasi. [Ŵerengani Luka 2:⁠8.] Magazini iyi yivumbuwa ko miyambu yinyaki yakutchuka ya Khrisimasi yikutuliya.”