Vo Tingakamba Pakugaŵiya Magazini

Nsanja ya Olonda March 1

“Ŵanthu anandi ŵe ndi maŵanaŵanu ngakupambanapambana pa nkhani yakukwaskana ndi Yesu. Kumbi imwi mutimuwona nge mwana waku Chiuta pamwenga nge munthu wamampha waka?” Lindizgani kwamuka. Pavuli paki ŵerengani nawu nkhani yo pasi pa mafumbu nga vilembu vifipa ukongwa ngo nge pa peji 16 mpaka 17 ndi lemba limoza. Agaŵiyeni magazini ndipu panganani va kuziweriyaku kuti muzikambiskani mafumbu ngo ngajaku.

Galamukani! March

Asani mwakumana ndi wampupuka, mulongoni nkhani yo ye pa peji 26. Mulongoni kamutu kamana kakwamba, ndi kumufumba kuti, “Kumbi uwona kuti fundu izi zauneneska pamwenga zaboza? [Lindizgani kwamuka. Pavuli paki ŵerengani 2 Ŵakorinte 7:⁠1.] Nkhani iyi yikonkhoska vo utenere kuziŵa pa nkhani yakukweŵa foja, kweniso po munthu wangaleke.”

Nsanja ya Olonda April 

“Ŵanthu anandi ŵe ndi vigomezgu vakupambanapambana pa nkhani yaku Yesu. Kumbi muŵanaŵana kuti nkhwakwenere kuziŵa uneneska wakukwaskana ndi Yesu? [Lindizgani kwamuka. Pavuli paki ŵerengani Yohane 17:⁠3.] Magazini iyi yikonkhoska vo Bayibolo likamba vakukwaskana ndi Yesu, kuti wangutuliya pani, umoyu waki ndipuso chifukwa cho wangufwiya.”

Galamukani! April

“Kumbi muzomerezga kuti nyifwa ya wakwanjiwa, nchimoza mwa vinthu vakusuzga ukongwa vo ŵanthu angakumana navu? [Lindizgani kwamuka.] Ŵanthu anandi awona kuti ulongozgi uwu ngwakovya. [Ŵerengani Sumu 55:22.] Magazini iyi yikonkhoska nthowa zinyaki zo zingatiwovya kumalana ndi chitima ndipuso mo tingathuliya mphingu yidu kwaku Chiuta.”