Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa April

“Tichiska anyidu kuti aŵerengengi Bayibolo lawu. Kweni ŵanthu anandi awona kuti Bayibolo ndakusuzga kulivwisa. Kumbi namwi muwona viyo? [Lindizgani kwamuka.] Awonani yapa.” Alongoni nkhani yo ye kuchikonkhombi chakumaliya cha Chigongwi cha Alinda cha April 1 ndipu kambiskanani nkhani yo ye pa fumbu lakwamba ndi kuŵerengapu lemba. Agaŵiyeni magazini ndi kupangana nawu zuŵa lo mwazamuweriyaku kuzikambiskana fumbu lachiŵi.

Nsanja ya Olonda April 1

“Ŵanthu wosi wo tikambiskana nawu akumana ndi masuzgu, ndipu ivi vitiŵachitiska kuti ajifumbengi kuti kumbi chilatu cha umoyu nchinthu wuli? Kumbi imwi muwona kuti cho chichitiska kuti ŵanthu alekengi kukondwa mazuŵa nganu nchinthu wuli? [Lindizgani kwamuka.] Bayibolo lilayizga kuti pambula kuswera yapa Chiuta wazamutuzgapu masuzgu ngosi ngo tikumana nangu mazuŵa nganu. [Ŵerengani Chivumbuzi 21:4.] Magazini iyi yikonkhoska vinthu vamampha vo tazamukondwa navu kunthazi kweniso vo tingachita kuti tijengi mwalikondwa mazuŵa nganu.”

Galamukani! April

“Suzgu lakuchitiyana nkhaza m’mabanja lawanda ukongwa pacharu. Anyaki akamba kuti ŵanthu achitiyana nkhaza chifukwa cha midawuku, banja lo akuliyamu, kweniso kuwonere vakukondweska vachiwawa. Kumbi imwi muwona kuti chifukwa cho ŵanthu achitiyana ukongwa nkhaza m’mabanja nchinthu wuli? [Lindizgani kwamuka.] Bayibolo likamba kuti ŵanthu akutolana atenere kwanjana ukongwa. [Ŵerengani Ŵaefeso 5:33.] Magazini iyi yikonkhoska mo fundu ya m’Bayibolo iyi yawovye kuti mabanja nganandi ngo nganguwayawaya ngayendengi umampha.”