Masachizgu nga vo Mungakamba

Pakwambisa Masambiru nga Bayibolo pa Chisulu Chakwamba mu May

“Kumbi muwona kuti chisopa chichitiska kuti ŵanthu aje pachimangu pamwenga kuti atinkhanengi ndi kuchita viwawa? [Lindizgani kwamuka.] Agani ndikulongoni fundu yinyaki yakukondweska ukongwa pa nkhani iyi.” Apaskeni Nsanja ya Olonda ya May 1, ndipu kambiskanani nkhani yo ye pa kamutu kakwamba papeji 16, kweniso lemba limoza pa malemba ngo ngalipu. Agaŵiyeni magazini ndipu panganani zuŵa lakuti muziweriyeku kuzikambiskana fumbu lachiŵi.

Nsanja ya Olonda May 1

“Ŵanthu anandi awona kuti nkhwamampha kuti chisopa chichitengeku ndali za charu, kweni anyaki awona kuti nkhwamampha cha kuti chisopa ndi ndali viyendiyengi limoza. Imwi muwona wuli? [Lindizgani kwamuka.] Wonani vo Yesu wanguchita pa nyengu yo ŵanthu akhumbanga kuti wayambi kuchita nawu vandali. [Ŵerengani Yohane 6:15.] Magazini iyi yikonkhoska chifukwa cho Yesu wanguchitiya vo wanguchita pa nyengu yo, ndipu yikonkhoska so nthowa yamampha ukongwa yo Akhristu angawovye ŵanthu m’chigaŵa chawu.”

Galamukani! May

“Pafufupi weyosi yo tikambiskana nayu walongo kuti ŵanthu anyaki akumuchitiyapu vinthu vambula urunji munthowa yinyaki. Kumbi muwona kuti pe nthowa yeyosi yakumalisiya jalidu lambula urunji? [Lindizgani kwamuka.] Wonani uchimi uwu wakukwaskana ndi munthu yo wazamumalisa jalidu lambula urunji. [Ŵerengani Sumu 72:​11-14.] Magazini iyi yikonkhoska vo Bayibolo lilayizga kuti jalidu lambula urunji lazamutuliyapu limu.”