Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa June

Ŵerengani Yesaya 12:⁠4. Pavuli paki kambani kuti: “Lemba ili lilongo kuti Chiuta wakhumba kuti tidaniyengi pa zina laki kweniso tikambiyengi ŵanthu za zina laki. Kumbi imwi muwona kuti kugwiriskiya nchitu zina laku Chiuta nkhwakukhumbika? [Lindizgani kwamuka.] Wonani vo magazini iyi yikamba.” Mulongoni mweneku wanyumba magazini ya Nsanja ya Olonda ya June 1 ndipu kambiskanani nayu ndimi zo ze pa fumbu 1 pa peji 16. Pakukambiskana, mukonkhoskiyeni kuti zina laku Chiuta mbambuya cha ndi Yehova, kweni m’Mabayibolo nganyaki akutuzgamu zina ili. Mugaŵiyeni magazini yeniyi ndipu panganani nayu kuti muziweriyeku ndi chilatu chakuti muzikambiskani fumbu 2.

Nsanja ya Olonda June 1

“Ndikhumba kukufumbani vo muŵanaŵana pa nkhani yakukhumbika ukongwa iyi. [Julani pa peji 3 ndipu longoni fundu zinayi zo ze penipo.] Pafundu zenizi, kumbi ndi fundu niyi yo yikoliyana ndi vo imwi muŵanaŵana pakukamba za Bayibolo? [Lindizgani kwamuka.] Wonani mo Bayibolo litijikonkhoske. [Ŵerengani Ŵaroma 15:⁠4.] Magazini iyi yikonkhoska vifukwa vinkhondi vo vichitiska kuti Bayibolo lije buku la pade ndipuso yikonkhoska mo lingatiwovye.”

Galamukani! June

“Chaka chechosi ŵanthu mamiliyoni nganandi atama chifukwa cha vakurya vambula kuviphwere umampha vo aturya. Kumbi imwi muŵanaŵana kuti mu chigaŵa chidu vakurya ativiphwere umampha? [Lindizgani kwamuka.] Galamukani! iyi yikonkhoska nthowa zinayi zo zingatiwovya kuti tileki kutama chifukwa cha vakurya. Yikonkhoska so vo Bayibolo lilayizga kuti pambula kuswera yapa weyosi wazamukondwa ndi vakurya vinandi vakupaska nthazi.” Ŵerengani Sumu 104:​14, 15.