Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa June

“Pafupifupi munthu weyosi yo takambiskana nayu wakhumba kuti pacharu chapasi paje chimangu. Kweni nkhondu zeche kuchitika. Kumbi imwi muŵanaŵana kuti nchifukwa wuli nkhwakusuzga kuzisa chimangu pacharu chapasi?” Lindizgani kwamuka. Pavuli paki, alongoni nkhani yo ye papeji lakumaliya la Chigongwi cha Alinda cha June 1 ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

Ziŵani ivi: Chitani chakuyeruzgiyapu ichi pa unganu wakunozgeke uteŵeti pa June 1.

Nsanja ya Olonda June 1

“Tikambiskana ndi ŵanthu kwa nyengu yimanavi za suzgu yo yawanda ukongwa. Ŵanthu anandi asankhana mitundu. Kumbi muŵanaŵana kuti pe charu cho ŵanthu asankhana mtundu cha? [Lindizgani kwamuka.] Awonani mo Chiuta wawone ŵanthu wosi. [Ŵerengani Machitidu 10:34.] Magazini iyi yikonkhoska mo Chiuta wazamumaliskiya sankhu.”

Galamukani! June

“Tikhumba kuvwa maŵanaŵanu nginu pa nkhani iyi. Munthu weyosi wakhumba umoyu wamampha. Kumbi muŵanaŵana kuti tingaja ndi umoyu wamampha asani tingaŵa ndi katundu munandi? [Lindizgani kwamuka.] Wonani fundu yakukhumbika ukongwa yo Yesu wakukamba. [Ŵerengani Luka 12:15.] Magazini iyi yikonkhoska mo tingajaliya ndi maŵanaŵanu ngakwenere pa vinthu vakuliŵavu ndipuso ye ndi masachizgu ngakovya nga mo tingagwiriskiya nchitu ndalama mwakwenere.”