Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa October

“Msanawale, tikambiskana ndi ŵanthu kwa kanyengu kamanavi. Anandi wo takambiskana nawu akamba kuti chinthu chakusuzga ukongwa cho akumanapu nachu ndi nyifwa ya munthu yo amuyanjanga ukongwa. Kumbi namwi muwona so viyo? [Lindizgani kwamuka.] Magazini iyi njakuchiska ukongwa.” Alongoni nkhani yo ye papeji lakumaliya la Chigongwi cha Alinda cha October 1 ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa kuti muzikambiskani fumbu lachiŵi.

October 1

“Takuyendiyani kuti tikambiskani umampha wakuŵerenga Bayibolo. Tiziŵa kuti anyaki akondwa ndi vo Bayibolo likamba kweni anyaki akondwa cha. Nanga imwi, muwona wuli? [Lindizgani kwamuka.] Fundu ya m’Bayibolo iyi njakuchiska ukongwa. [Ŵerengani 1 Ŵatesalonika 2:13.] Ndisimikizga kuti namwi mungazomerezga kuti asani Bayibolo ndi buku lakutuliya kwaku Chiuta, ndikuti tikhumbika nadi kuliŵerenga. Magazini iyi yikonkhoska vo Bayibolo likamba ndipuso chifukwa cho tikhumbikiya kuliŵerenga.”

October

“Ndikhumba kuvwa maŵanaŵanu nginu pa fumbu ili: Kumbi munthu wangakondwa nadi asani walivi vinthu vinandi vakuliŵavu? [Lindizgani kwamuka.] Wonani vo Bayibolo likamba. [Ŵerengani 1 Timote 6:8.] Magazini iyi yikonkhoska mo tingajaliya ndi maŵanaŵanu ngakwenere pa nkhani ya vinthu vakuliŵavu. Yikamba so vinthu vitatu vakuzirwa vo tingatondeka kuvigula ndi ndalama.”