Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa October

“Ndikayika cha kuti muziŵa kuti umoyu ngufupi ukongwa. Kumbi muŵanaŵana kuti zuŵa linyaki tazamuja ndi umoyu utali kweniso wambula matenda? [Lindizgani kwamuka.] Wonani vo nkhani iyi yikonkhoska.” Apaskeni Nsanja ya Olonda ya October 1, ndipu kambiskanani fumbu lakwamba pa peji 16 ndi lemba lo lilipu. Agaŵiyeni magazini, ndipu panganani kuti muziweriyeku kuzikambiskana fumbu lachiŵi.

Nsanja ya Olonda October 1

“Taza kuzikambiskana namwi chifukwa chakuti ŵanthu anandi afipa mtima ndi vinthu vambula urunji vo vichitika m’boma ndi pa nkhani za malonda. Kumbi muŵanaŵana kuti walipu yo wangamaliska suzgu ili? [Lindizgani kwamuka.] Awonani vo Yesu wazamuchitiya ŵanthu wo akumana ndi masuzgu ngenanga pa lemba ili. [Ŵerengani Sumu 72:12-14.] Magazini iyi yikonkhoska mo vinyeda vazamumaliya pambula kuswera yapa.”

Galamukani! October

“Apapi anandi akhumba kuti ŵana ŵaŵu asambiri umampha. Kumbi muŵanaŵana kuti ŵana wo amaliza sukulu mazuŵa nganu mbakunozgeka kulimbana ndi masuzgu nga pa umoyu? [Lindizgani kwamuka.] Wonani vo Bayibolo likamba pa nkhani ya kuzirwa kwa kuziŵa vinthu ndi kusaniya zeru. [Ŵerengani Wakutaula 7:12.] Magazini iyi yikonkhoska fundu zinkhondi zo zingawovya ŵana mo angachitiya umampha ku sukulu.”