Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa October

“Mu nyengu zinu zakusuzga, tosi tikumana ndi masuzgu ngo ngachitiska kuti mabanja ngasuzgikengi maŵanaŵanu. Kumbi muŵanaŵana kuti ndi nunkhu ko tingasaniya ulongozgi wo ungatiwovya kuti mabanja ngidu ngajengi ngalikondwa?” Lindizgani kwamuka. Pavuli paki apaskeni Nsanja ya Olonda ya October 1 ndipu kambiskanani nkhani yo ye pakamutu kamana pa peji 16 ndi 17 ndipuso lemba limoza. Agaŵiyeni magazini ndipu panganani nawu kuti muziweriyeku ndi chilatu chakuti muzikambiskani kwamuka kwa fumbu limoza pa mafumbu ngo ngajaku.

Nsanja ya Olonda October 1

Longoni chithuthuzi cho che pa peji lakwamba la magazini, ndipu fumbani kuti, “Kumbi mungavwa wuli asani mwaziŵa kuti munthu munyaki wakukupusikani pakukamba vaku Chiuta? [Lindizgani kwamuka.] Wonani nthowa yo Yesu wangukamba kuti tingapambaniskiya uneneska ndi boza. [Ŵerengani Yohane 17:17.] Mwaviyo Bayibolo lija ndilu lititikambiya uneneska wakukwaskana ndi Chiuta. Magazini iyi yikonkhoska maboza 5 ngo ŵanthu anandi akamba ngakukwaskana ndi Chiuta ngo Bayibolo livumbuwa.”

Galamukani! October

“Zuŵa la msanawale taliwona kuti ndi zuŵa lapade lakovya mabanja. Kumbi muwona kuti ndi suzgu likulu nili lo apapi akumana nalu mazuŵa nganu pakulera ŵana? [Lindizgani kwamuka.] Apapi anandi athemba Bayibolo kuti asaniyi ulongozgi. Mwakuyeruzgiyapu, mazu ngazeru yanga ngakovya asani tikhumba kulanga ŵana. [Ŵerengani Ŵaefeso 4:31.] Magazini iyi yilongo mo ulongozgi wa m’Bayibolo ungawovye apapi kuti asambizengi ŵana ŵawu pa msinkhu wewosi, kutuwa ku unamana mpaka ku ura.”