Masachizgu nga vo Mungakamba
Mo Mungayambisiya Masambiru nga Bayibolo pa Chisulu Chakwamba mu May
“Tikambiskana ndi ŵanthu va fumbu lo ŵanthu anandi afumba. [Alongoni fumbu lakwamba lo le papeji lakumaliya la Chigongwi cha Alinda cha May-June.] Kumbi imwi mungamuka wuli?” Lindizgani kwamuka. Kambiskanani fumbu lenili ndipu yesesani kuŵerenga lemba. Agaŵiyeni magazini ndi kupangana nawu zuŵa kuti muzikambiskani fumbu lachiŵi.
Chigongwi cha Alinda May-June
“Ŵanthu anandi akhumbisiska kuziŵa chifukwa cho Chiuta waleke kutuzgiyapu masuzgu ndi vinthu vambula urunji pacharu. Kumbi muŵanaŵana kuti nchifukwa chakuti Chiuta watitiŵanaŵaniya cha pamwenga wakondwa kuti tisuzgikengi? [Lindizgani kwamuka. Pavuli paki ŵerengani Yohane 3:16.] Chinanga kuti ŵanthu anandi azomerezga kuti lemba ili lilongo kuti Chiuta watitiphwere, kweni aziŵa cha mo nyifwa yaku Yesu yitiŵawovye. Magazini iyi yikonkhoska mo nyifwa yaku Yesu yichitiskiyengi kuti masuzgu kweniso vinthu vambula urunji vimali pacharu.”
Galamukani! May
“Tikambiskana ndi ŵanthu mwakudumuwa za vo angachita kuti aleki kusuzgika maŵanaŵanu. Kumbi mbuneneska kuti mazuŵa nganu ŵanthu asuzgika ukongwa maŵanaŵanu kuluska kali? [Lindizgani kwamuka.] Anandi awona kuti ulongozgi wo usanirika m’Bayibolo utiŵawovya ukongwa kuti aleki kusuzgika maŵanaŵanu. Mwakuyeruzgiyapu, wonani lemba ili. [Ŵerengani Mateyu 6:34.] Magazini iyi yikonkhoska mo ulongozgi wa m’Bayibolo ungatiwovye kumalana ndi vinthu vinayi vo vichitiska ŵanthu kusuzgika maŵanaŵanu.”
Mazu: Magazini iyi yingawovya ukongwa ŵanthu wo ŵe ndi mabizinesi.