Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa February

“Ŵanthu wo tikambiskana nawu ŵe ndi maŵanaŵanu ngakupambanapambana ngakukwaskana ndi Bayibolo. Anyaki azomerezga kuti ndi Mazu Ngaku Chiuta, ndipu anyaki akamba kuti liyanana ŵaka ndi mabuku nganyaki ngosi. Kumbi imwi mutiliwona wuli Bayibolo?” Lindizgani kwamuka. Alongoni nkhani yo ye papeji lakumaliya la Chigongwi cha Alinda cha February 1, ndipu kambiskanani nawu nkhani yo ye pasi pa fumbu lakwamba ndipuso lemba limoza. Agaŵiyeni magazini ndi kupangana nawu zuŵa, kuti muzikambiskani fumbu lachiŵi.

Nsanja ya Olonda February 1

“Ŵanthu anandi akhumbisiska kuti nkhondu yimali. Kumbi muŵanaŵana kuti pacharu chosi pangazija nadi chimangu? [Lindizgani kwamuka.] Awonani vo Bayibolo lilayizga. [Ŵerengani Sumu 46:9.] Vinthu vo vinguchitika pa Nkhondu Yakwamba Yacharu Chosi ndipuso vo vinguzichitika yati yamala, vititisimikizgiya kuti pambula kuswera yapa Chiuta wazamufiska uchimi uwu ndi kuzituzgiyapu limu nkhondu. Magazini iyi yikonkhoska venivi.”

Galamukani! February

“Tikhumba kukambiskana namwi suzgu lo ŵanthu anandi akumana nalu. Viwoneka kuti ŵanthu asoŵa nyengu yakuchitiya vosi vo akhumba kuchita. Kumbi muwona kuti nyengu yija nadi yimana chifukwa chakuti te ndi vakuchita vinandi pamwenga chifukwa chakuti timaliya nyengu yinandi pa vinthu vambula kukhumbika? [Lindizgani kwamuka.] Ŵanthu anandi aziŵa cha kuti Bayibolo lingatiwovya kuti tigwiriskiyengi nchitu nyengu mwazeru. Mwakuyeruzgiyapu, wonani vo lemba ili likamba. [Ŵerengani Ŵafilipi 1:10a] Magazini iyi yikonkhoska nthowa zinayi zo zawovya ŵanthu anandi kuti agwiriskiyengi nchitu nyengu yawu mwazeru.”