Masachizgu nga vo Mungakamba

Mo Mungayambisiya Masambiru nga Bayibolo pa Chisulu, Sabata Yakwamba ya Mwezi wa February

“Ŵanthu anandi aŵanaŵana kuti Diabolo ndiyu wachitiska vinthu viheni vo vichitika pacharu. Vo vichitiska kuti afumbengi kuti: ‘Kumbi Diabolo wakutuliya pani? Kumbi wakumulenga ndi Chiuta?’ Imwi muŵanaŵana wuli? [Lindizgani kwamuka.] Tiyeni tiŵerengeku yapa.” Alongoni mutu wo we pachikonkhombi chakumaliya cha Chigongwi cha Alinda cha February 1 ndipu kambiskanani nawu ndimi yakwamba ndi lemba lo le penipo. Agaŵiyeni magazini ndi kupangana nawu zuŵa lo mwazamuweriyaku kuzikambiskana fumbu lachiŵi.

Nsanja ya Olonda February 1

“Tingayanja kuvwa maŵanaŵanu nginu pa nkhani yakukwaskana ndi munthu munyaki yo watumbikika ndi Akhristu, Ayuda kweniso Asilamu. Munthu uyu ndi Mosese. Kumbi nchinthu wuli cho mukumbuka asani mwavwa ŵaka zina lakuti Mosese? [Lindizgani kwamuka.] Chinanga kuti wanangiskanga vinthu vinyaki, kweni Bayibolo likonkhoska vinthu vamampha vakukwaskana ndi Mosese. [Ŵerengani Marangu 34:10-12.] Magazini iyi yikonkhoska mijalidu yitatu mwa mijalidu yamampha yaku Mosese yo tikhumbika kuyezga.”

Galamukani! February

“Mazuŵa nganu tizizwa cha kuwona ŵanthu achiluta ku vyaru vinyaki kuti akasaniyi nchitu yamampha. Kumbi muŵanaŵana kuti nyengu zosi ativisaniya nadi vo apenja? [Lindizgani kwamuka.] Kuluta ku charu chinyaki kwayamba sonu cha. Awonani chakuyeruzgiyapu cho che mu buku lakwamba la m’Bayibolo. [Ŵerengani Chiyambo 46:5, 6.] Magazini iyi yimuka mafumbu yanga.” Alongoni mafumbu ngo nge kukumaliya kwa nkhani yo ye pa peji 6.